നിങ്ങളുടെ ബാങ്കുകളോട് ചോദിക്കൂ...ഗെയ്‌ലിനൊപ്പം കള്ളനെന്ന് വിളിച്ച ആരാധകരോട് വിജയ് മല്യ

ഞാന്‍ തിരികെ നല്‍കാമെന്ന് പറയുന്ന നൂറ് ശതമാനം പണവും  എന്തുകൊണ്ട് വാങ്ങുന്നില്ല എന്ന് നിങ്ങളുടെ ബാങ്കുകളോട് ചോദിക്കൂ
നിങ്ങളുടെ ബാങ്കുകളോട് ചോദിക്കൂ...ഗെയ്‌ലിനൊപ്പം കള്ളനെന്ന് വിളിച്ച ആരാധകരോട് വിജയ് മല്യ

സാമ്പത്തിക തട്ടിപ്പ് നടത്തി രാജ്യം വിട്ട് വ്യവസായി വിജയ് മല്യയ്‌ക്കൊപ്പമുള്ള ഫോട്ടോ ആയിരുന്നു ക്രിസ് ഗെയില്‍ ട്വീറ്റ് ചെയ്തത്. മല്യയ്‌ക്കെതിരെ ഇന്ത്യന്‍ ആരാധകര്‍ കമന്റുമായി ഗെയ്‌ലിന്റെ ട്വീറ്റിനടിയിലെത്തി. എന്നാല്‍, തനിക്കെതിരെ എത്തിയ ഇന്ത്യക്കാരോട് നിങ്ങളുടെ ബാങ്കുകളോട് പോയി ചോദിക്കൂ എന്ന മറുപടിയാണ് വിജയ് മല്യ നല്‍കുന്നത്. 

എന്നെ കള്ളനെന്ന് വിളിക്കുന്നതിന് മുന്‍പ് നിങ്ങള്‍ ശരിയാണെന്ന് ഉറപ്പ് വരുത്തൂ. ഞാന്‍ തിരികെ നല്‍കാമെന്ന് പറയുന്ന നൂറ് ശതമാനം പണവും  എന്തുകൊണ്ട് വാങ്ങുന്നില്ല എന്ന് നിങ്ങളുടെ ബാങ്കുകളോട് ചോദിക്കൂ. എന്നിട്ട് തീരുമാനിക്കൂ ആരാണ് കള്ളനെന്ന് എന്നാണ് ട്വീറ്റില്‍ വിജയ് മല്യ ചോദിക്കുന്നത്. 

ഇന്ത്യന്‍ ബാങ്കുകളില്‍ നിന്നും കടമെടുത്ത 9000 കോടി രൂപ തിരികെ നല്‍കാത്തതിനാണ് വിജയ് മല്യ ഇന്ത്യയില്‍ നിയമനടപടി നേരിടുന്നത്. ജൂണ്‍ 9ന് കെന്നിങ്ടണ്‍ ഓവലില്‍ ഇന്ത്യ ഓസീസിനെ നേരിട്ട മത്സരത്തില്‍ വിജയ് മല്യയെ കള്ളന്‍ എന്ന് വിളിച്ച് ആരാധകര്‍ നേരിട്ടിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com