ലണ്ടൻ: ലോകകപ്പ് ക്രിക്കറ്റ് പോരാട്ടം അവസാനിച്ചതിന് പിന്നാലെ ഐസിസി ടൂർണമെന്റിലെ ടീമിനെ പ്രഖ്യാപിച്ചു. അഞ്ചു ബാറ്റ്സ്മാൻമാരും അഞ്ചു ബൗളർമാരും വിക്കറ്റ് കീപ്പറും അടങ്ങുന്നതാണ് ടീം. രണ്ട് ഇന്ത്യൻ താരങ്ങൾ ടീമിൽ ഇടം കണ്ടെത്തി. ഹിറ്റ് മാൻ രോഹിത് ശർമയും പേസ് ബൗളർ ജസ്പ്രീത് ബുംറയുമാണ് ടീമിൽ ഇടം നേടിയത്.
ഏകദിന റാങ്കിംഗിൽ ലോക ഒന്നാം നമ്പർ താരമാണെങ്കിലും ഇന്ത്യൻ നായകൻ വിരാട് കൊഹ്ലിക്ക് ടീമിൽ ഇടമില്ല. ടീമിലേക്ക് തിരഞ്ഞെടുക്കപ്പെട്ട നാല് പേര് കിരീടം ഉയർത്തിയ ഇംഗ്ലണ്ട് താരങ്ങളാണ്. രണ്ടാം സ്ഥാനക്കാരായ ന്യൂസിലൻഡ് ടീമിലെ മൂന്ന് താരങ്ങളും ഐസിസി ലോകകപ്പ് ടീമിലുണ്ട്. ബംഗ്ലാദേശ്, ഓസ്ട്രേലിയ എന്നീ ടീമുകളിലെ കളിക്കാരാണ് ടാമിലുള്ള മറ്റ് അംഗങ്ങൾ.
ടീം ബാറ്റിംഗ് ഓർഡറിൽ: രോഹിത് ശർമ (ഇന്ത്യ), ജേസണ് റോയ് (ഇംഗ്ലണ്ട്), കെയ്ൻ വില്യംസണ് (ന്യൂസിലൻഡ്), ഷക്കിബ് അൽ ഹസൻ (ബംഗ്ലാദേശ്), ജോ റൂട്ട്, ബെൻ സ്റ്റോക്സ് (ഇംഗ്ലണ്ട്), അലക്സ് കാരെ, മിച്ചൽ സ്റ്റാർക്ക് (ഓസ്ട്രേലിയ), ജോഫ്ര ആർച്ചർ (ഇംഗ്ലണ്ട്), ലോക്കി ഫെർഗൂസണ് (ന്യൂസിലൻഡ്), ജസ്പ്രീത് ബുംറ (ഇന്ത്യ), ട്രെന്റ് ബോൾട്ട് (ന്യൂസിലൻഡ്).
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ