'പപ്പാ... കമോണ്‍... പപ്പാ'; ഇതിലും മികച്ച പ്രോത്സാഹനം ധോണിക്ക് കിട്ടാനില്ല

മത്സരത്തിനിടെ ധോണിയെ ഗാലറിയിലിരുന്ന് ഒരാള്‍ പ്രോത്സാഹിപ്പിച്ചതാണ് ഇപ്പോള്‍ ശ്രദ്ധേയമാകുന്നത്
'പപ്പാ... കമോണ്‍... പപ്പാ'; ഇതിലും മികച്ച പ്രോത്സാഹനം ധോണിക്ക് കിട്ടാനില്ല

ന്യൂഡല്‍ഹി: നിലവിലെ ചാമ്പ്യന്‍മാരായ ചെന്നൈ സൂപ്പര്‍ കിങ്‌സ് ഐപിഎല്ലില്‍ തുടര്‍ച്ചയായ രണ്ടാം വിജയം ആഘോഷിച്ചു. ഡല്‍ഹി ക്യാപിറ്റല്‍സിനെ അവരുടെ തട്ടകമായ ഫിറോസ് ഷാ കോട്‌ലാ ഗ്രൗണ്ടില്‍ ചെന്നാണ് ധോണിയും സംഘവും വീഴ്ത്തിയത്. 

പോരാട്ടം വിജയിക്കുമ്പോള്‍ ഒരറ്റത്ത് 35 പന്തില്‍ 32 റണ്‍സുമായി ക്യാപ്റ്റന്‍ ധോണിയുമുണ്ടായിരുന്നു. ധോണിയുടെ നിര്‍ണായക ബാറ്റിങ് ടീമിന്റെ വിജയത്തില്‍ നിര്‍ണായകമായി. 

മത്സരത്തിനിടെ ധോണിയെ ഗാലറിയിലിരുന്ന് ഒരാള്‍ പ്രോത്സാഹിപ്പിച്ചതാണ് ഇപ്പോള്‍ ശ്രദ്ധേയമാകുന്നത്. മറ്റാരുമല്ല ധോണിയുടെ മകള്‍ സിവയാണ് പപ്പയെ പ്രോത്സാഹിപ്പിച്ച ആ സ്‌പെഷ്യല്‍ ആരാധിക. സിവയ്‌ക്കൊപ്പം അമ്മ സാക്ഷി ധോണിയുമുണ്ടായിരുന്നു ഗാലറിയില്‍. 

'പപ്പാ... കമോണ്‍... പപ്പാ' എന്ന് സിവ ആര്‍ത്തുവിളിച്ചു. ഇതിലും മികച്ച പ്രോത്സാഹനം മൈതാനത്തിറങ്ങിയ ധോണിക്ക് ഗാലറിയില്‍ നിന്ന് കിട്ടാനില്ല. വീഡിയോ സോഷ്യല്‍ മീഡിയയില്‍ വൈറലായിക്കഴിഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com