അബുദാബി: അമ്പരപ്പിക്കുന്ന ബൗളിങ് ആക്ഷനുകൾ ക്രിക്കറ്റിൽ പുത്തരിയില്ല. എന്നാൽ ഈ ശ്രീലങ്കൻ ബൗളറുടെ ആക്ഷൻ അൽപ്പം കടുപ്പമാണെന്ന് പറയാതെ വയ്യ. ടി10 ലീഗില്‍ ശ്രീലങ്കയുടെ യുവ ലെഗ് സ്പിന്നര്‍ കെവിന്‍ കോത്തിഗോഡയുടെ ബൗളിങ് ആക്ഷനാണ് ഇപ്പോൾ ശ്രദ്ധേയമാകുന്നത്.
ആക്ഷൻ കണ്ടാല്‍ ആരും അമ്പരന്ന് പോകും. ഒരു പന്തെറിയാന്‍ ഇങ്ങനെയൊക്കെ തല കുത്തി നിക്കണോ എന്ന് അറിയാതെ ആരെങ്കിലും ചോദിച്ചാൽ അവരെ കുറ്റം പറയാൻ കഴിയില്ല.
അബുദാബിയില്‍ നടന്ന ബംഗ്ലാ ടൈഗേഴ്സും ഡെക്കാന്‍ ഗ്ലാഡിയേറ്റേഴ്സും തമ്മിലുള്ള മത്സരത്തിനിടെയായിരുന്നു കെവിന്‍ കോത്തിഗോഡ വ്യത്യസ്ത ബൗളിങ് ആക്ഷന്‍ കൊണ്ട് ആരാധകരെ അമ്പരപ്പിച്ചത്. 2017ല്‍ നടന്ന അണ്ടര്‍ 19 ഏഷ്യാ കപ്പില്‍ ശ്രീലങ്കക്കായി കളിച്ചിട്ടുള്ള കോത്തിഗോഡ അന്നും വ്യത്യസ്തമായ ബൗളിങ് ആക്ഷന്റെ പേരിൽ ഏറെ ശ്രദ്ധിക്കപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
