മുംബൈ: പരുക്കിനെ തുടര്‍ന്ന് ശസ്ത്രക്രിയ നടത്തി വിശ്രമത്തിലാണ് ഇന്ത്യന്‍ ഓള്‍റൗണ്ടര്‍ ഹര്‍ദിക് പാണ്ഡ്യ. ലണ്ടനില്‍ നടന്ന ശസ്ത്രക്രിയക്ക് ശേഷം താരം കളിക്കളത്തിലേക്ക് മടങ്ങി വരാനുള്ള തീവ്ര ശ്രമത്തിലാണ്. ജിമ്മില്‍ കഠിനമായ വ്യായാമമാണ് താരം നടത്തുന്നത്. ഇതിന്റെ വീഡിയോ കഴിഞ്ഞ ദിവസം ഹര്‍ദിക് ട്വിറ്ററില്‍ പോസ്റ്റ് ചെയ്തിരുന്നു.
കൂടുതല്‍ കരുത്തോടെ തിരിച്ചു വരാനുള്ള ശ്രമങ്ങള്‍ക്ക് വ്യായാമം സഹായിക്കുന്നതായും പ്രചോദിപ്പിക്കുന്ന തരത്തില്‍ ആശംസകള്‍ അറിയിച്ചവരോടെല്ലാം നന്ദി പറയുന്നതായും ഹര്‍ദിക് വീഡിയോക്ക് താഴെ കുറിച്ചിരുന്നു. ഈ വീഡിയോക്ക് രസകരമായ മറുപടിയുമായി എത്തിയിരിക്കുകയാണ് ഇന്ത്യന്‍ പേസര്‍ ജസ്പ്രിത് ബുമ്‌റ.
'സര്‍ നിങ്ങളുടെ ശബ്ദം ഒരു പ്രഷര്‍ കുക്കറിനെ പോലെയുണ്ട്' എന്നായിരുന്നു ബുമ്‌റയുടെ കമന്റ്. വീഡിയോയില്‍ കേള്‍ക്കുന്ന ഹര്‍ദിക്കിന്റെ ശ്വാസ ഗതിയുടെ ശബ്ദത്തെ സൂചിപ്പിച്ചായിരുന്നു ബുമ്‌റയുടെ ട്രോള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
