ബാറ്റ്‌സ്മാന്റെ കിളി പോകും; ഇടവും വലവും ഒരു പോലെ; അമ്പരപ്പിച്ച് മലോക്‌വന (വീഡിയോ)

ദക്ഷിണാഫ്രിക്കയില്‍ നടക്കുന്ന സന്‍സി ടി20 പോരാട്ടത്തിലെ അമ്പരപ്പിക്കുന്ന പ്രകടനങ്ങള്‍ അവസാനിക്കുന്നില്ല
ബാറ്റ്‌സ്മാന്റെ കിളി പോകും; ഇടവും വലവും ഒരു പോലെ; അമ്പരപ്പിച്ച് മലോക്‌വന (വീഡിയോ)

ജൊഹന്നാസ്ബര്‍ഗ്: ദക്ഷിണാഫ്രിക്കയില്‍ നടക്കുന്ന സന്‍സി ടി20 പോരാട്ടത്തിലെ അമ്പരപ്പിക്കുന്ന പ്രകടനങ്ങള്‍ അവസാനിക്കുന്നില്ല. ദക്ഷിണാഫ്രിക്കന്‍ സ്പിന്നറായ ഗ്രിഗറി മലോക്‌വനയാണ് പുതിയ താരം. കേപ് ടൗണ്‍ ബ്ലിറ്റ്‌സിന്റെ താരമാണ് മലോക്‌വന.

കഴിഞ്ഞ ദിവസം കേപ് ടൗണ്‍ ബ്ലിറ്റ്‌സ്- ഡര്‍ബന്‍ ഹീറ്റ്‌സ് മത്സരത്തിനിടെ താരം പുറത്തെടുത്ത പ്രകടനമാണ് ഇപ്പോള്‍ ആരാധകരെ ത്രില്ലടിപ്പിച്ചിരിക്കുന്നത്. ഇടം കൈ കൊണ്ടും വലം കൈ കൊണ്ടും ബൗള്‍ ചെയ്ത് വിക്കറ്റുകള്‍ വീഴ്ത്തിയാണ് താരം ആരാധകരെ അമ്പരപ്പിച്ചത്.

വലം കൈ കൊണ്ട് ബൗളിങ് തുടങ്ങിയ താരം ഡര്‍ബന്‍ ഹീറ്റ് ഓപണര്‍ സരല്‍ ഇര്‍വിയെ പുറത്താക്കി. പിന്നീട് ഇന്നിങ്‌സിന്റെ പത്താം ഓവറില്‍ വീണ്ടും ബൗളിങിനെത്തിയ മലോക്‌വന ആ ഓവറിന്റെ അഞ്ചാം പന്തില്‍ വലം കൈയന്‍ ബാറ്റ്‌സ്മാനായ ഡാനെ വിലാസിനെ മടക്കിയത് ഇടം കൈ കൊണ്ട് ബൗള്‍ ചെയ്തായിരുന്നു.

മത്സരത്തിലാകെ താരം മൂന്നോവറാണ് പന്തെറിഞ്ഞത്. 26 റണ്‍സ് വഴങ്ങി രണ്ട് വിക്കറ്റുകള്‍ സ്വന്തമാക്കി. ഇരു കൈ കൊണ്ടും ബൗള്‍ ചെയ്ത് വിക്കറ്റെടുത്ത മലോക്‌വനയുടെ ബൗളിങ് എന്തായാലും ആരാധകര്‍ ഇരു കൈയും നീട്ടി സ്വീകരിച്ചിട്ടുണ്ട്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com