ഐപിഎല് ടീമുകള് താര ലേലത്തിന് മുന്പായി റിലീസ് ചെയ്ത താരങ്ങളെ ചൊല്ലിയായിരുന്നു ആരാധകരുടെ ചര്ച്ചകള് ഈ ദിവസങ്ങളില് കടന്നു പോയത്. എന്നാലിപ്പോള് ആരാധകരുടെ കണ്ണ് മുംബൈ ഇന്ത്യന്സ് നായകന് രോഹിത് ശര്മയിലേക്കും, ഓള് റൗണ്ടര് കീറോണ് പൊള്ളാര്ഡിലേക്കുമാണ്...
രോഹിത് ശര്മയെ ട്വിറ്ററില് പൊള്ളാര്ഡ് അണ്ഫോളോ ചെയ്തതാണ് ആരാധകര് കണ്ടെത്തിയത്. ഇന്ത്യ-വെസ്റ്റ് ഇന്ഡീസ് പരമ്പര മുന്പില് നില്ക്കെയാണ് പൊള്ളാര്ഡിന്റെ നീക്കം. മുംബൈ ഇന്ത്യന്സിന് വേണ്ടി കളിക്കാന് ആരംഭിച്ചത് മുതല് സുഹൃത്തുക്കളാണ് രോഹിത്തും പൊള്ളാര്ഡും.
ഇവര്ക്കിടയില് ഇപ്പോള് എന്ത് സംഭവിച്ചുവെന്നാണ് ആരാധകരുടെ ചോദ്യം. ഡിസംബര് ആറിനാണ് വിന്ഡിസിന്റെ ഇന്ത്യാ പര്യടനം ആരംഭിക്കുന്നത്. മൂന്ന് ട്വന്റി20യും, മൂന്ന് ഏകദിനവുമാണ് വെസ്റ്റ് ഇന്ഡീസ് ഇന്ത്യയില് കളിക്കുക. മുംബൈയിലാണ് ആദ്യ ട്വന്റി20. ഡിസംബര് എട്ടിനാണ് തിരുവനന്തപുരത്തെ പോര്...
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ