ടെസ്റ്റിലും ഹിറ്റ്മാന് പിന്നോട്ടില്ല. ഒരു ടെസ്റ്റില് ഏറ്റവും കൂടുതല് സിക്സുകള് പറത്തുന്ന ഇന്ത്യന് താരം എന്ന നേട്ടം സ്വന്തമാക്കിയാണ് രോഹിത് നയം വ്യക്തമാക്കുന്നത്. വിശാഖപട്ടണം ടെസ്റ്റില് ഇതുവരെ രോഹിത്തിന്റെ ബാറ്റില് നിന്നും വന്നത് 9 സിക്സ്.
ആദ്യ ഇന്നിങ്സില് ആറ് സിക്സാണ് രോഹിത്ത് പറത്തിയത്. രണ്ടാം ഇന്നിങ്സിലേക്ക് എത്തുമ്പോള് തന്റെ സ്കോര് 46ലേക്ക് എത്തിയപ്പോഴേക്ക്ും മൂന്ന് വട്ടം രോഹിത് ബൗണ്ടറി ലൈന് തൊടീക്കാതെ പന്ത് പറത്തി കഴിഞ്ഞു. ഒരു ടെസ്റ്റില് എട്ട് സിക്സുകള് പറത്തി നവ്ജോദ് സിങ് സിദ്ധു തന്റെ പേരില് തീര്ത്ത റെക്കോര്ഡാണ് രോഹിത് മറികടന്നത്.
ട്വന്റി20യിലും ഏകദിനത്തിലും ഒരു മത്സരത്തില് ഏറ്റവും കൂടുതല് സിക്സുകള് പറത്തിയതിന്റെ റെക്കോര്ഡും രോഹിത്തിന്റെ പേരിലാണ്. ഏകദിനത്തില് 16 സിക്സും, ട്വന്റി20യില് 10 സിക്സും പറത്തിയാണ് രോഹിത് മൂന്ന് ഫോര്മാറ്റിലും ഹിറ്റ്മാന് താന് തന്നെയെന്ന് ഉറപ്പിക്കുന്നത്.
ഓപ്പണിങ്ങില് അരങ്ങേറ്റം കുറിച്ച ടെസ്റ്റില് രണ്ട് ഇന്നിങ്സും ആഘോഷമാക്കുകയാണ് രോഹിത്. ആദ്യ ഇന്നിങ്സില് 176 റണ്സ് അടിച്ചു കൂട്ടിയ താരം രണ്ടാം ഇന്നിങ്സിലും പിന്നോട്ടില്ലെന്നാണ് വ്യക്തമാക്കുന്നത്. രണ്ടാം ഇന്നിങ്സിലും അര്ധശതകം പൂര്ത്തിയാക്കി ടെസ്റ്റില് തുടര്ച്ചയായ ഏഴാം തവണ 50ന് മുകളില് സ്കോര് കണ്ടെത്തുന്ന താരവുമായി രോഹിത്ത്.
.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ