മോസ്‌ക്കോ: ആറ് തവണ ലോക ചാമ്പ്യന്‍ പട്ടം സ്വന്തമാക്കിയ ഇന്ത്യയുടെ ഇതിഹാസ ബോക്‌സര്‍ മേരി കോം വനിതാ ലോക ബോക്‌സിങ് ചാമ്പ്യന്‍ഷിന്റെ ക്വാര്‍ട്ടറില്‍. 51 കിലോ വിഭാഗം പ്രീ ക്വാര്‍ട്ടറില്‍ തായ്‌ലന്‍ഡിന്റെ യുവതാരം ജൂതാമസ് ജിറ്റ്‌പോങ്ങിനെ കീഴടക്കിയാണ് മേരി അവസാന എട്ടിലേക്ക് കടന്നത്.
കടുത്ത പോരാട്ടം കണ്ട മത്സരത്തില്‍ തായ്‌ലന്‍ഡ് താരത്തെ 5-0ത്തിനാണ് കീഴടക്കിയത്. ഏഴാം ലോക കിരീടം ലക്ഷ്യമിട്ടാണ് 36കാരിയായ മേരി മത്സരിക്കുന്നത്.
48 കിലോ വിഭാഗം ബോക്‌സിങ്, ഒളിമ്പിക്‌സില്‍ നിന്ന് ഒഴിവാക്കിയതോടെയാണ് മേരി കോം 51 കിലോ വിഭാഗത്തിലേക്ക് മാറിയത്. ഈ വിഭഗത്തിലെ ആദ്യ ലോക കിരീടം കൂടിയാണ് മേരിയുടെ ലക്ഷ്യം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
