ദൈവമെന്ന് വിശേഷിപ്പിക്കരുതെന്ന് ആരാധകരോട് ആവശ്യപ്പെട്ട് ഫുട്‌ബോള്‍ ഇതിഹാസം ലിയോണല്‍ മെസി. അവര്‍ എന്നെ ദൈവം എന്ന് വിളിക്കുന്നത് എന്നെ അലട്ടുന്നൊന്നുമില്ല. പക്ഷേ, അങ്ങനെ വിളിക്കുന്നത് തനിക്ക് ഇഷ്ടമല്ല എന്നതാണ് സത്യമെന്ന് മെസി പറഞ്ഞു.
സ്പാനിഷ് ഭാഷയില്‍ ദൈവം എന്ന് അര്‍ഥം വരുന്ന dios എന്നത് മെസിയുടെ ജേഴ്‌സി നമ്പര്‍ കൂട്ടിച്ചേര്‍ത്ത് D10S എന്ന് ആരാധകര്‍ പറയുക പതിവാണ്. ആരാധകരുടെ പ്രശംസ ലഭിക്കുക എന്നത് നല്ലതാണ്. മറ്റ് ദുരുദ്ദേശം ഒന്നുമില്ലാതെയാവും അവരിതൊക്കെ പറയുക. പക്ഷേ അതിന്റെ നേര്‍ വിപരീതമായിരിക്കും സംഭവിക്കുക എന്നും മെസി പറഞ്ഞു.
എന്നെ എങ്ങനെയാണോ ആളുകള്‍ ട്രീറ്റ് ചെയ്യുന്നത് അതാണ് എന്റെ മക്കളും പിന്തുടരുന്നത്. അവരുടെ ഈ പ്രായത്തില്‍ കേള്‍ക്കുകയും കാണുകയും ചെയ്യുന്ന കാര്യങ്ങള്‍ അവര്‍ അനുകരിക്കുന്നു. ലിയോ മെസി എന്നാണ് മകന്‍ എന്നെ വിളിക്കുന്നത് എന്നും റാക്1ന് നല്‍കിയ അഭിമുഖത്തില്‍ മെസി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
