കിംഗ്സ്റ്റണ്‍: ഫോമിലെത്താന്‍ പെടാപ്പാട് പെടുന്ന ഇന്ത്യന്‍ ഓപണര്‍ കെഎല്‍ രാഹുലിനെ കടുത്ത ഭാഷയില്‍ വിമര്‍ശിച്ചും ട്രോളിയും ആരാധകര്‍. കഴിഞ്ഞ 11 ടെസ്റ്റുകളില്‍ നിന്നായി ഒരു അര്‍ധ സെഞ്ച്വറി പോലും നേടാന്‍ രാഹുലിനായിട്ടില്ല. ക്യാപ്റ്റന്‍ വിരാട് കോഹ്‌ലിയുടെ പിന്തുണ ഒന്നുകൊണ്ട് മാത്രമാണ് രാഹുല്‍ ടീമില്‍ നില്‍ക്കുന്നത് എത് പരസ്യമായ രഹസ്യമാണ്.
കഴിഞ്ഞ അവസാന വര്‍ഷം ഇംഗ്ലണ്ടിനെതിരെ ഓവലിലാണ് രാഹുല്‍ അവസാനമായി ഒരു സെഞ്ച്വറി നേടിയത്. വെസ്റ്റിന്‍ഡീസിനെതിരായ പരമ്പരയിലെ രണ്ട് ടെസ്റ്റിലും രാഹുല്‍ പരാജയമായിരുന്നു. ആദ്യ ടെസ്റ്റില്‍ മികച്ച തുടക്കം നേടിയ ശേഷമാണ് പുറത്തായത്. ജമൈക്കയില്‍ രണ്ട് ഇന്നിങ്‌സിലും പൂര്‍ണമായും പരാജയപ്പെട്ടു. ഇതോടെയാണ് രാഹുലിന് ഇപ്പോള്‍ കടുത്ത വിമര്‍ശനം നേരിടേണ്ടി വരുന്നത്.
അര്‍ധ നഗ്നനായി ബീച്ചിലും സ്വിങ് പൂളിലും ചെലവഴിക്കുന്നതിനേക്കാള്‍ സമയം ഇന്ത്യന്‍ ജേഴ്‌സിയണിയുമ്പോള്‍ ക്രീസില്‍ ചെലവാക്കാന്‍ രാഹുല്‍ ശ്രമിക്കണം.
ഇന്ത്യയുടെ ഓപണിങ് സ്ഥാനത്ത് എന്തുകൊണ്ട് ഇഷാന്ത് ശര്‍മയെ പരീക്ഷിച്ചുകൂട എന്നാണ് ഒരു ആരാധകന്‍ ചോദിച്ചത്. 62 പന്തില്‍ ആറ് റണ്‍സുമായി മടങ്ങിയ രാഹുലിനേക്കാള്‍ നിലവാരത്തില്‍ ഇഷാന്ത് ബാറ്റ് ചെയ്യുമെന്ന് താന്‍ ബെറ്റ് വെയ്ക്കുന്നതായും ആരാധകന്‍ പറയുന്നു.
രാഹുലിനെ പോലെ എല്ലാവര്‍ക്കും ജീവിതത്തില്‍ നിരവധി അവസരങ്ങള്‍ കിട്ടട്ടെ എന്ന് ആശംസിക്കുന്നതായി ഒരു ആരാധിക കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
