മാഞ്ചസ്റ്റര്: പരിക്ക് മാറി തിരികെ ടീമിലെത്തിയ മുന് ക്യാപ്റ്റന് സ്റ്റീവന് സ്മിത്ത് ഒരിക്കല് കൂടി ടീമിന്റെ രക്ഷകനായി. ഇംഗ്ലണ്ടിനെതിരായ ആഷസ് പരമ്പരയിലെ നാലാം പോരാട്ടത്തില് സ്മിത്ത് സെഞ്ച്വറി തികച്ചു. രണ്ടാം ദിനം ഉച്ച ഭക്ഷണത്തിന് പിരിയുമ്പോള് ഓസ്ട്രേലിയ അഞ്ച് വിക്കറ്റ് നഷ്ടത്തില് 245 റണ്സെന്ന നിലയിലാണ്.
ടെസ്റ്റ് കരിയറിലെ 26ാം സെഞ്ച്വറിയും ആഷസിലെ 11ാം സെഞ്ച്വറിയും ഈ പരമ്പരയിലെ മൂന്നാം ശതകവുമായി സ്മിത്ത് ഓള്ഡ് ട്രാഫോര്ഡില് കുറിച്ചത്. 163 പന്തുകള് നേരിട്ട് 11 ഫോറുകളുമായി 101 റണ്സുമായി സ്മിത്ത് ക്രീസില് നില്ക്കുന്നു. ക്യാപ്റ്റന് ടിം പെയ്നാണ് സ്മിത്തിന് കൂട്ടായി ക്രീസിലുള്ളത്. പെയ്ന് ഒന്പത് റണ്സെടുത്തിട്ടുണ്ട്.
ടോസ് നേട ബാറ്റിങ് തിരഞ്ഞെടുത്ത ഓസീസിനായി ലബുഷനെ 67 റണ്സെടുത്ത് സ്മിത്തിന് പിന്തുണ നല്കിയിരുന്നു. ലബുഷനെയ്ക്ക് പുറമെ മാര്ക്കസ് ഹാരിസ് (13), ഡേവിജഡ് വാര്ണര് (0), ട്രാസ് ഹെഡ്ഡ് (19), മാത്യു വെയ്ഡ് (16) എന്നിവരാണ് പുറത്തായ ബാറ്റ്സ്മാന്മാര്.
ഇംഗ്ലണ്ടിനായി സ്റ്റുവര്ട്ട് ബ്രോഡ് മൂന്ന് വിക്കറ്റുകള് നേടി. ലീച്, ഓവര്ടന് എന്നിവര് ഓരോ വിക്കറ്റും പങ്കിട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ