ലാഹോർ: പാക്കിസ്ഥാൻ മുൻ ക്രിക്കറ്റ് താരം അബ്ദുൾ ഖാദിർ ഖാൻ അന്തരിച്ചു. 63 വയസ്സായിരുന്നു. ഹൃദയാഘാതത്തെ തുടർന്ന് ലാഹോറിലായിരുന്നു അന്ത്യം.
പാക്കിസ്ഥാനുവേണ്ടി 67 ടെസ്റ്റുകളിലും 104 ഏകദിനങ്ങളിലും ഖാദിർ ജേഴ്സിയണിഞ്ഞിട്ടുണ്ട്. 1977 ഡിസംബറിൽ ലാഹോറിൽ വച്ച് ഇംഗ്ലണ്ടിനെതിരെ നടന്ന ടെസ്റ്റിലായിരുന്നു അരങ്ങേറ്റം. ലെഗ് സ്പിന്നറായിരുന്ന ഖാദിർ ടെസ്റ്റിൽ 236 വിക്കറ്റും ഏകദിനത്തിൽ 132 വിക്കറ്റുമാണ് നേടിയിട്ടുള്ളത്.
1983 ജൂണിലാണ് ആദ്യമായി ഒരു ഏകദിന മത്സരം കളിക്കാനിറങ്ങിയത്. ബിർമിംഗ്ഹാമിൽ ന്യൂസിലൻഡിനെതിരെയാണ് ആദ്യമായി ഏകദിനത്തിൽ പാക്ക് ജേഴ്സിയിൽ ഇറങ്ങിയത്. വിരമിക്കലിന് ശേഷം പാക്കിസ്ഥാന്റെ മുഖ്യ സെലക്ടറായും ഖാദിർ പ്രവർത്തിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ