ഭീകര ബൗണ്‍സര്‍ തലയില്‍ കൊണ്ട് റസലിന് പരിക്ക്; ഗ്രൗണ്ട് വിട്ടത് സ്‌ട്രെച്ചറില്‍

സെന്റ് ലൂസിയയുടെ സ്പീഡ് സ്റ്റാര്‍ ഹാര്‍ഡസിന്റെ ഷോര്‍ട്ട് പിച്ച്ഡ് ഡെലിവറിയാണ് റസലിനെ വീഴ്ത്തിയത്
ഭീകര ബൗണ്‍സര്‍ തലയില്‍ കൊണ്ട് റസലിന് പരിക്ക്; ഗ്രൗണ്ട് വിട്ടത് സ്‌ട്രെച്ചറില്‍

കിങ്‌സ്റ്റണ്‍: കരീബിയന്‍ പ്രീമിയര്‍ ലീഗ് മത്സരത്തിന് ഇടയില്‍ സൂപ്പര്‍ താരം ആന്ദ്രെ റസലിന് പരിക്ക്. ബൗണ്‍സര്‍ തലയില്‍ കൊണ്ട് റസല്‍ ഗ്രൗണ്ടില്‍ വീഴുകയായിരുന്നു. കളി തുടരാനാവാതെ ഗ്രൗണ്ട് വിട്ടെങ്കിലും സ്‌കാനിങ് റിപ്പോര്‍ട്ടില്‍ ആശ്വാസകരമായ വാര്‍ത്തയാണ് വരുന്നത്. 

ജമൈക്ക തല്ലവാഹ്‌സും സെന്റ് ലുസിയയും തമ്മിലുള്ള പോരിന് ഇടയില്‍ ജമൈക്കന്‍ ഇന്നിങ്‌സിലെ 14ാം ഓവറിലാണ് റസലില്‍ ബൗണ്‍സറേറ്റ് ഗ്രൗണ്ടില്‍ വീണത്. സെന്റ് ലൂസിയയുടെ സ്പീഡ് സ്റ്റാര്‍ ഹാര്‍ഡസിന്റെ ഷോര്‍ട്ട് പിച്ച്ഡ് ഡെലിവറിയാണ് റസലിനെ വീഴ്ത്തിയത്. സ്‌കാനിങ് റിപ്പോര്‍ട്ടില്‍ ആശങ്ക തീര്‍ക്കുന്ന പരിക്കുകളില്ലെന്നാണ് റിപ്പോര്‍ട്ട്. 

ബൗണ്‍സറേറ്റ പാടെ ഗ്രൗണ്ടില്‍ വീണ റസലിന്റെ തലയില്‍ നിന്ന് ഹെല്‍മറ്റ് ഊരിമാറ്റാനെല്ലാം സഹായിച്ചത് സഹതാരങ്ങളായിരുന്നു. റസലിന്റെ ടീം തീര്‍ത്ത 170 റണ്‍സിന്റെ വിജയ ലക്ഷ്യം 16.4 ഓവറില്‍ എതിരാളികള്‍ മറികടന്നു. 30 പന്തില്‍ 75 റണ്‍സ് അടിച്ചെടുത്ത റഹ്ഖീം കോണ്‍വല്ലിന്റെ ഇന്നിങ്‌സാണ് സെന്റ് ലൂസിയ സൗക്‌സിന് തുണയായത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com