ബംഗളൂരു: വിമാന യാത്രക്കിടെ ഓപണിങ് പങ്കാളി ശിഖര് ധവാന്റെ രസകരമായൊരു നിമിഷം വീഡിയോയില് പകര്ത്തി ഇന്സ്റ്റഗ്രാമിലൂടെ പങ്കിട്ട് ഹിറ്റ്മാന് രോഹിത് ശര്മ. വീഡിയോ നിമിഷങ്ങള്ക്കുള്ളില് സോഷ്യല് മീഡിയയില് വൈറലായി മാറി. വീഡിയോക്ക് താഴെ ഇമോജികളിട്ട് മുന് താരം യുവരാജ് സിങും എത്തിയതോടെ സംഭവം ആരാധകര് ഏറ്റെടുക്കുകയും ചെയ്തു.
വിമാനത്തില് വച്ച് ധവാന് ഒറ്റയ്ക്ക് സംസാരിക്കുന്നതാണ് വീഡിയോയില്. ധവാനറിയാതെയാണ് രോഹിത് വീഡിയോ പകര്ത്തിയത്. 'എന്നോടല്ല ധവാന് സംസാരിക്കുന്നത്, ദീര്ഘകാലമായി അദ്ദേഹത്തിന് ഒരു സാങ്കല്പിക സുഹൃത്തുണ്ട്' എന്ന കുറിപ്പോടെയാണ് രോഹിത് സമൂഹ മാധ്യമങ്ങളില് വീഡിയോ പങ്കിട്ടത്.
വീഡിയോ സംബന്ധിച്ച് ധവാന് വിശദീകരണവുമായി രംഗത്തെത്തുകയും ചെയ്തു. താന് കവിത ചൊല്ലുമ്പോള് രോഹിത് വീഡിയോ പകര്ത്തിയതാണ് എന്നായിരുന്നു ധവാന്റെ കമന്റ്.
ദക്ഷിണാഫ്രിക്കയ്ക്കെതിരായ ടി20 പരമ്പരയുടെ തിരക്കിനിടെയാണ് രസകരമായ ഈ വീഡിയോയുമായി രോഹിത് രംഗത്തെത്തിയത്. ആദ്യ മത്സരം മഴ കൊണ്ടുപോയപ്പോള് രണ്ടാം പോരില് ഇന്ത്യ ഏഴ് വിക്കറ്റിന് വിജയിച്ചിരുന്നു. പരമ്പരയിലെ അവസാന മത്സരം ഞായറാഴ്ച ബംഗളൂരുവില് നടക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ