ബാലന് ദി ഓറില് ഇനിയും മുത്തമിടാനുള്ള സാധ്യതകള് തേടി സൂപ്പര് താരം ക്രിസ്റ്റ്യാനോ റൊണാള്ഡോ യുവന്റ്സ് വിട്ടേക്കുമെന്ന് റിപ്പോര്ട്ട്. മാഞ്ചസ്റ്റര് യുനൈറ്റഡാണ് ക്രിസ്റ്റിയാനോ ലക്ഷ്യം വയ്ക്കുന്നത് എന്നാണ് ഡോണ് ബാലണ് റിപ്പോര്ട്ട് ചെയ്യുന്നത്. സിരി എയില് യുവന്റ്സിനൊപ്പം നില്ക്കുന്നത് ബാലന് ദി ഓര് വീണ്ടും നേടുന്നതിനുള്ള സാധ്യതകള് കുറയ്ക്കുന്നു എന്നതിനാലാണ് ക്രിസ്റ്റ്യാനോ വീണ്ടും മാറ്റത്തിനൊരുങ്ങുന്നത്.
ഞാന് കൂടുതല് ബാലന് ദി ഓര് അര്ഹിക്കുന്നുണ്ടെന്ന ഐടിവിയിലെ പിയേഴ്സ് മോര്ഗനുമായുള്ള അഭിമുഖത്തില് ക്രിസ്റ്റിയാനോ പറഞ്ഞിരുന്നു. മെസി മഹാനായ കളിക്കാരനാണ്. ഫുട്ബോളിന്റെ ചരിത്രത്തില് മെസിയുടെ പേരുണ്ട്. പക്ഷേ, മെസിയേക്കാള് അഞ്ചോ ആറോ എട്ടോ അധികം ബാലന് ദി ഓര് താന് അര്ഹിക്കുന്നുണ്ട് എന്നാണ് ക്രിസ്റ്റിയാനോ അഭിമുഖത്തില് പറഞ്ഞത്.
ക്രിസ്റ്റ്യാനോയുടെ പ്രതികരണം വന്നതിന് പിന്നാലെയാണ് യുവന്റ്സ് വിട്ടത് താരം വീണ്ടും ഓള്ഡ് ട്രഫോര്ഡിലേക്ക് ചേക്കേറിയേക്കുമെന്ന റിപ്പോര്ട്ടുകള് വരുന്നത്. 120 മില്യണ് യൂറോയില് തങ്ങള്ക്ക് ക്രിസ്റ്റിയാനോയെ നല്കാന് മാഞ്ചസ്റ്റര് യുനൈറ്റഡ് യുവന്റ്സിനെ നിര്ബന്ധിച്ചേക്കുമെന്നാണ് സൂചന. ഏറ്റവും കൂടുതല് പ്രതിഫലം കൈപറ്റുന്ന താരമാക്കി തങ്ങളുടെ മുന് താരത്തെ തിരികെ എത്തിക്കാനാണ് യുനൈറ്റഡിന്റെ ശ്രമമെന്നും പറയപ്പെടുന്നു.
റയല് മാഡ്രിഡിനെ തുടര്ച്ചയായ മൂന്നാം വട്ടം ചാമ്പ്യന്സ് ലീഗ് ചാമ്പ്യന്മാരാക്കിയതിന് പിന്നാലെയാണ് ക്രിസ്റ്റ്യാനോ യുവന്റ്സിലേക്ക് ചേക്കേറിയത്. എന്നാല്, ആ സീസണില് യുവന്റ്സിന് ചാമ്പ്യന്സ് ലീഗില് വലിയ നേട്ടം നേടിക്കൊടുക്കാന് ക്രിസ്റ്റ്യാനോയ്ക്കായില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ