സമര്‍ഥനാണ് രഹാനെ, ടെസ്റ്റ് പരമ്പരയില്‍ ഇന്ത്യയെ നയിക്കുന്നതിനെ പിന്തുണച്ച് സച്ചിന്‍ 

രഹാനെയുമായി സംസാരിച്ചതില്‍ നിന്ന് ഞാന്‍ മനസിലാക്കിയത് ബുദ്ധിമാനാണ് രഹാനെ എന്നാണ്
അജങ്ക്യാ രഹാനെ, വിരാട് കോഹ്‌ലി/ ഫയല്‍ ഫോട്ടോ
അജങ്ക്യാ രഹാനെ, വിരാട് കോഹ്‌ലി/ ഫയല്‍ ഫോട്ടോ

മുംബൈ: അവസാന മൂന്ന് ടെസ്റ്റുകളില്‍ ഓസ്‌ട്രേലിയക്കെതിരെ ഇന്ത്യയെ നയിക്കാന്‍ ഇറങ്ങുന്ന രഹാനെയെ പിന്തുണച്ച് സച്ചിന്‍ ടെണ്ടുല്‍ക്കര്‍. ആക്രമണോത്സുകത നിറഞ്ഞ താരമാണ് രഹാനെ. എന്നാല്‍ രഹാനെയുടേത് നിയന്ത്രണ വിധേയമായ അഗ്രഷന്‍ ആണെന്ന് സച്ചിന്‍ പറഞ്ഞു. 

രഹാനെയുമായി സംസാരിച്ചതില്‍ നിന്ന് ഞാന്‍ മനസിലാക്കിയത് ബുദ്ധിമാനാണ് രഹാനെ എന്നാണ്. അതിനൊപ്പം തന്നെ ബാലന്‍സ്ഡും ആണ്. കഠിനാധ്വാനം ചെയ്യുന്ന കളിക്കാരനാണ് രഹാനെ. ഒന്നും രഹാനെ വെറുതെ എടുക്കുന്നില്ല. നിങ്ങള്‍ കഠിനാധ്വാനം ചെയ്യുന്നുണ്ട് എങ്കില്‍, ഒരുക്കങ്ങളില്‍ ആത്മാര്‍ഥത പുലര്‍ത്തുന്നുണ്ട് എങ്കില്‍, അതിന്റെ ഫലം ഉറപ്പായും ലഭിക്കും, സച്ചിന്‍ പറഞ്ഞു. 

അവരുടെ കഴിവിനൊത്ത് ടീം ഒരുക്കങ്ങള്‍ നടത്തും എന്നാണ് ഞാന്‍ പ്രതീക്ഷിക്കുന്നത്. ഫലം എന്താണ് എന്നതില്‍ ശ്രദ്ധ കൊടുക്കരുത്. ആ പ്രക്രീയയില്‍ ശ്രദ്ധിക്കുക. ഫലം പിന്നാലെ വരുമെന്നും ഇന്ത്യന്‍ ടീം അംഗങ്ങളോട് സച്ചിന്‍ പറയുന്നു. അഡ്‌ലെയ്ഡ് ടെസ്റ്റിനെ കുറിച്ച് മാത്രമാണ് ഇപ്പോള്‍ ചിന്തിക്കുന്നത് എന്നാണ് രഹാനെ പ്രതികരിച്ചത്. 

ഇപ്പോഴും ഞങ്ങളുടെ നായകന്‍ കോഹ് ലിയാണ്. ഇപ്പോള്‍ അഡ്‌ലെയ്ഡ് ടെസ്റ്റിനെ കുറിച്ചാണ് ചിന്തിക്കുന്നത്. കോഹ് ലി പോയതിന് ശേഷം അതിന് ശേഷമുള്ള കാര്യങ്ങള്‍ ആലോചിക്കാം. ഇപ്പോള്‍ എനിക്ക് ആദ്യ ടെസ്റ്റിനെ കുറിച്ചാണ് ചിന്ത എന്നും രഹാനെ പറയുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com