മാഞ്ചസ്റ്റര്: അച്ഛന്റെ പാത പിന്തുടര്ന്ന് ഇംഗ്ലണ്ട് മുന് മുന്നേറ്റ നിര താരം വെയ്ന് റൂണിയുടെ മക്കളിലൊരാള്. മാഞ്ചസ്റ്റര് യുനൈറ്റഡിന്റെ ഫുട്ബോള് അക്കാദമിയുമായി കരാര് ഒപ്പിട്ടിരിക്കുകയാണ് റൂണിയുടെ പതിനൊന്നു വയസുകാരന് മകന് കേയ്.
മാഞ്ചസ്റ്റര് യുനൈറ്റഡ് മുന് താരത്തിന്റെ നാല് മക്കളില് മൂത്തയാളാണ് കേയ്. മാഞ്ചസ്റ്റര് യുനൈറ്റഡിന്റെ യൂത്ത് അക്കാദമിയില് ചേര്ന്നാണ് കേയ് കരാര് ഒപ്പിട്ടിരിക്കുന്നത്. കേയ് കരാറില് ഒപ്പിടുന്ന ഫോട്ടോ റൂണി പങ്കുവെക്കുന്നു.
അഭിമാനിക്കുന്ന ദിവസം എന്നാണ് റൂണി ഫോട്ടോയ്ക്കൊപ്പം കുറിച്ചത്. കഠിനാധ്വാനം തുടരാന് മകനോട് റൂണി നിര്ദേശിക്കുന്നു. എംഎല്എസില് നിന്നും ഇംഗ്ലണ്ടിലേക്ക് തിരികെ എത്തിയ റൂണി ഇപ്പോള് സെക്കന്ഡ് ഡിവിഷനില് മാനേജറുടെ റോളിലാണ്.
13 വര്ഷമാണ് ഓള് ട്രഫോര്ഡില് റൂണി പന്ത് തട്ടിയത്. 559 തവണ മാഞ്ചസ്റ്റര് യുനൈറ്റഡിന് വേണ്ടി റൂണി കളത്തിലിറങ്ങി. ഗോള് വല കുലുക്കിയത് 253 തവണയും. 2017ല് മാഞ്ചസ്റ്റര് യുനൈറ്റഡ് വിട്ട റൂണി എവര്ട്ടണിലേക്ക് തന്നെ മടങ്ങി. എന്നാല് 2018ല് താരം അമേരിക്കയിലേക്ക് പന്ത് തട്ടാനായി പോവുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ