മർഗാവ്: ഐഎസ്എല്ലിലെ തുല്ല്യശക്തികളായ ചെന്നൈ എഫി സിയും എഫ് സി ഗോവയും ഏറ്റുമുട്ടിയപ്പോൾ ജയം ചെന്നൈക്ക്. ഒന്നിനെതിരേ രണ്ടുഗോളുകൾക്കാണ് ചെന്നൈയുടെ വിജയം. നായകൻ റാഫേൽ ക്രിവല്ലാരോ, റഹീം അലി എന്നിവരാണ് ചെന്നെെയ്ക്കായി ഗോൾ നേടിയത്. ഓർട്ടിസ് ഗോവയ്ക്കായി ഗോൾ നേടി.
അഞ്ചാം മിനിട്ടിൽ ക്രിവല്ലാരോയാണ് ചെന്നൈയ്ക്കായി ആദ്യ ഗോൾ നേടിയത്. കോർണർ കിക്കെടുത്ത ക്രിവല്ലാരോ പന്ത് നേരിട്ട് വലയിലെത്തിച്ചു. എട്ടാം മിനിട്ടിൽ വല ചലിപ്പിച്ചു ഗോവയും കുതിപ്പു കാട്ടി. 53-ാം മിനിട്ടിലാണ് ഗോവൻ താരങ്ങളുടെ പ്രതിരോധപ്പൂട്ട് പൊളിച്ച് ചെന്നൈ വിജയഗോൾ നേടിയത്. നായകൻ ക്രിവല്ലാരോയുടെ ഉജ്ജ്വലമായ പാസ്സ് സ്വീകരിച്ച റഹീം അലിക്ക് പന്ത് പോസ്റ്റിലേക്ക് തട്ടിയിടുകയേ വേണ്ടിയൊള്ളു. ക്രിവല്ലാരോ ഹീറോ ഓഫ് ദ മാച്ച് പുരസ്കാരം സ്വന്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
