ബോക്‌സിങ് ഡേ ടെസ്റ്റ്: പൂജാരയെ മടക്കി പെയ്‌നിന്റെ അതിശയിപ്പിക്കുന്ന ക്യാച്ച്‌

പൂജാരയുടെ പ്രതിരോധത്തെ തകര്‍ത്ത് എത്തിയ കമിന്‍സിന്റെ ഡെലിവറിയില്‍ ഔട്ട്‌സൈഡ് എഡ്ജ് ആയ പന്ത് തന്റെ വലത്തേക്ക് പറന്നാണ് പെയ്ന്‍ ഒറ്റക്കയ്യില്‍ പിടിച്ചത്
പെയ്‌നും കമിന്‍സും/ഫോട്ടോ: എപി
പെയ്‌നും കമിന്‍സും/ഫോട്ടോ: എപി

മെല്‍ബണ്‍: പൂജാരയെ പുറത്താക്കാന്‍ രണ്ടാം ടെസ്റ്റില്‍ അതിശയിപ്പിക്കുന്ന ക്യാച്ചുമായി ഓസ്‌ട്രേലിയന്‍ നായകന്‍ തിം പെയ്ന്‍. പൂജാരയുടെ പ്രതിരോധത്തെ തകര്‍ത്ത് എത്തിയ കമിന്‍സിന്റെ ഡെലിവറിയില്‍ ഔട്ട്‌സൈഡ് എഡ്ജ് ആയ പന്ത് തന്റെ വലത്തേക്ക് പറന്നാണ് പെയ്ന്‍ ഒറ്റക്കയ്യില്‍ പിടിച്ചത്. 

70 പന്തില്‍ നിന്ന് 17 റണ്‍സ് എടുത്താണ് പൂജാര മടങ്ങിയത്. പെയ്‌നിന്റെ ക്യാച്ചിനെ അഭിനന്ദിച്ച് ക്രിക്കറ്റ് ലോകം എത്തുന്നു. കളിയിലേക്ക് വരുമ്പോള്‍ രണ്ടാം ദിനം ചായയ്ക്ക് പിരിയുമ്പോള്‍ 5 വിക്കറ്റ് നഷ്ടത്തില്‍ 189 റണ്‍സ് എന്ന നിലയിലാണ് ഇന്ത്യ. ആറ് റണ്‍സ് ആണ് ഒന്നാം ഇന്നിങ്‌സ് ലീഡ് നേടുന്നതിനായി ഇന്ത്യക്ക് ഇനി മറികടക്കേണ്ടത്. 

53 റണ്‍സുമായി പൂജാരയും നാല് റണ്‍സുമായി രവീന്ദ്ര ജഡേജയുമാണ് ക്രീസില്‍. രണ്ടാം ദിനത്തിന്റെ ആദ്യ സെഷനില്‍ തന്നെ ഗില്ലിനേയും പൂജാരയേയും ഇന്ത്യക്ക് നഷ്ടമായി. ഹനുമാ വിഹാരി 21 റണ്‍സ് എടുത്ത് മടങ്ങി. റിഷഭ് പന്ത് താളം കണ്ടെത്തിയതായി തോന്നിച്ചെങ്കിലും 29 റണ്‍സില്‍ നില്‍ക്കെ കമിന്‍സ് മടക്കി.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com