ബാറ്റുമായി ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ഒരിക്കല്‍കൂടി ഗ്രൗണ്ടിലേക്ക്. ബുഷ്ഫയര്‍ ക്രിക്കറ്റ് ബാഷില്‍ പരിശീലകന്റെ വേഷത്തിലാണ് സച്ചിന്‍ എത്തുന്നത്. എന്നാല്‍, ഓസ്‌ട്രേലിയന്‍ വനിതാ ക്രിക്കറ്റ് താരം എല്ലീസ് പെറിയുടെ വെല്ലുവിളി ആരാധകര്‍ കാത്തിരുന്ന ആ നിമിഷത്തിന് വഴിയൊരുക്കി.
വിരമിക്കല്‍ പ്രഖ്യാപനത്തില്‍ നിന്ന് ഒരു ഓവര്‍ കളിക്കാനായി സച്ചിന്‍ തിരിച്ചു വരുന്നു. ബുഷ്ഫയര്‍ ക്രിക്കറ്റ് ബാഷിനൊപ്പം ഇംഗ്ലണ്ട്-ഓസ്‌ട്രേലിയ ടീമുകളുടെ പോരുമുണ്ട്. ഇംഗ്ലണ്ട്-ഓസ്‌ട്രേലിയ മത്സരത്തിന് ഇടയിലെ ഇന്നിങ്‌സ് ബ്രേക്കില്‍ എല്ലീസ് പെറിയുടെ ആറ് ഡെലിവറികളാണ് സച്ചിന്‍ നേരിടുക.
ട്വിറ്ററിലൂടെയാണ് ഓസ്‌ട്രേലിയന്‍ താരം സച്ചിനെ വെല്ലുവിളിച്ചത്. ബുഷ്ഫയര്‍ ക്രിക്കറ്റ് മത്സരത്തില്‍ റിക്കി പോണ്ടിങ് നയിക്കുന്ന ഇലവനെയാണ് സച്ചിന്‍ പരിശീലിപ്പിക്കുന്നത്. ശനിയാഴ്ച സിഡ്‌നിയിലാണ് ബുഷ്ഫയര്‍ ക്രിക്കറ്റ് മത്സരം സംഘടിപ്പിക്കേണ്ടിയിരുന്നത് എങ്കിലും ശക്തമായ മഴയെ തുടര്‍ന്ന് മെല്‍ബണിലേക്ക് വേദിമാറ്റി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
