പോച്ചെഫ്‌സ്ട്രൂം: അണ്ടര്‍ 19 ലോകകപ്പ് ഫൈനലില്‍ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യയെ ബംഗ്ലാദേശ് പേസര്‍മാര്‍ വിറപ്പിക്കുന്നു. 10 ഓവര്‍ പിന്നിടുമ്പോള്‍ ഒരു വിക്കറ്റ് നഷ്ടത്തില്‍ 23 റണ്‍സ് എന്ന നിലയിലായിരുന്നു ഇന്ത്യ.
സക്‌സേന 2 റണ്‍സ് എടുത്ത് മടങ്ങിയതോടെ കരുതലോടെയാണ് ജയ്‌സ്വാളും തിലക് വര്‍മയും ബാറ്റ് ചെയ്യുന്നത്. 16ാം ഓവറിലാണ് ഇന്ത്യയുടെ സ്‌കോര്‍ 50 പിന്നിട്ടത്. യശസ്വി-വര്‍മ കൂട്ടുകെട്ട് അര്‍ധശതകം പിന്നിട്ടു. 6.4 ഓവറില്‍ ഇന്ത്യന്‍ സ്‌കോര്‍ 9ല്‍ നില്‍ക്കെയാണ് സക്‌സെന പോയിന്റ് ഫീല്‍ഡറുടെ കൈകളിലേക്ക് വീണത്.
സക്കീബും, ഷോറിഫുള്‍ ഇസ്ലാമും ഉള്‍പ്പെടെയുള്ള ബംഗ്ലാ പേസര്‍മാര്‍ ആദ്യ ഓവറുകളില്‍ ഇന്ത്യയെ കുഴക്കി. സക്കീബ് എറിഞ്ഞ തന്റെ ആദ്യ 5 ഓവറില്‍ 26 ഡെലിവറിയും ഡോട്ട് ബോളായിരുന്നു. ടോസ് നേടിയ ബംഗ്ലാദേശ് ഇന്ത്യയെ ബാറ്റിങ്ങിനയക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
