ലഖ്നൗ: നായക മികവിനാലും വിക്കറ്റ് കീപ്പറെന്ന നിലയിലും വെടിക്കെട്ട് ബാറ്റിങിന്റെ പേരിലുമെല്ലാം തന്റെ മികവ് ആവോളം അടയാളപ്പെടുത്തിയ ആളാണ് മുന് ഇന്ത്യന് നായകന് മഹേന്ദ്ര സിങ് ധോനി. ചെന്നൈ സൂപ്പര് കിങ്സില് സഹ താരവും മുന് ഇന്ത്യന് താരവും കൂടിയായ സുരേഷ് റെയ്ന ഇപ്പോഴിതാ ധോനിയെ പ്രശംസിച്ച് രംഗത്തെത്തി.
ഇന്ത്യ കണ്ട ഏറ്റവും മികച്ച ക്യാപ്റ്റന് ധോനി ആണെന്ന് സുരേഷ് റെയ്ന പറയുന്നു. ഇന്ത്യന് ടീമില് വലിയ മാറ്റങ്ങളാണ് ധോനി സൃഷ്ടിച്ചത്. അത് ഡ്രസിങ് റൂമില് പോലും പ്രകടമായിരുന്നു. ധോനിയുടെ ക്യാപ്റ്റന്സിക്ക് പകരം വെക്കാന് ആരും ഇല്ലെന്നും റെയ്ന പറയുന്നു.
ധോനി ക്യാപ്റ്റന് ആയിരിക്കുമ്പോള് ഇന്ത്യന് ടീം എങ്ങനെയാണൊ അതുപോലെയാണ് ഇപ്പോള് ചെന്നൈ സൂപ്പര് കിങ്സ് ടീം. ധോനിയുടെ സാന്നിധ്യം ഡ്രസിങ് റൂമിലെ അന്തരീക്ഷം മികച്ചതാക്കുന്നു. സീസണില് ചെന്നൈക്ക് മികച്ച ടീമാണുള്ളത്. ഇത്തവണ കിരീട പ്രതീക്ഷ ഉണ്ടെന്നും റെയ്ന കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ