ഗുവാഹത്തിയില്‍ ശ്രീലങ്കയ്‌ക്കെതിരായ ആദ്യ ട്വന്റി20ക്കായി എത്തിയ ഇന്ത്യന്‍ നായകനെ കാത്തിരുന്നത് വ്യത്യസ്തമായൊരു കലാസൃഷ്ടിയായിരുന്നു. സംഭവം കോഹ് ലിയുടെ പോട്രെയ്റ്റാണ്. എന്നാലത് തയ്യാറാക്കിയ വിധമാണ് കൗതുകം തീര്‍ക്കുന്നത്.
പഴയ ഫോണുകള്‍ ഉപയോഗിച്ചാണ് കോഹ് ലിയുടെ പോട്രെയ്റ്റ് ആരാധകരിലൊരാള്‍ തയ്യാറാക്കിയത്. ഗുവാഹത്തി സ്വദേശിയായ രാഹുല്‍ എന്ന യുവാവാണ് ഇതിന് പിന്നില്‍. ആറ് ദിവസമാണ് ഇതിന് വേണ്ടി വന്നതെന്ന് രാഹുല്‍ പറയുന്നു.
സംഭവം കോഹ് ലിക്ക് ഇഷ്ടപ്പെടുകയും രാഹുലിനെ അഭിനന്ദിച്ച് അതില്‍ കോഹ് ലി എഴുതുകയും ചെയ്തു. ബിസിസിഐയാണ് കോഹ് ലിക്ക് മുന്‍പിലേക്ക് ഈ സ്‌പെഷ്യല്‍ പോട്രെയ്റ്റ് എത്തിയതിന്റെ വീഡിയോ പങ്കുവെച്ചത്.
ഇന്ത്യന്‍ ബുക്ക് ഓഫ് റെക്കോര്‍ഡ്‌സില്‍ ഇടംനേടിയ യുവാവാണ് രാഹുല്‍. ഗുവാഹത്തിയിലേക്ക് ഇന്ത്യന്‍ ടീം എത്തുന്നുണ്ടെന്ന് അറിഞ്ഞപ്പോഴാണ് ഇങ്ങനെയൊരു ആശയം ഉദിച്ചത്. കോഹ് ലിയെ നേരില്‍ കണ്ടുവെന്ന് എനിക്ക് വിശ്വസിക്കാനാവുന്നില്ല. ഞാന്‍ തയ്യാറാക്കിയ പോട്രെയ്റ്റ് കോഹ് ലിക്ക് ഒരുപാട് ഇഷ്ടമായതായും രാഹുല്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
