റിവേഴ്‌സ് സ്വീപ്പ് കളിക്കുന്നവരോട് ഒന്നേ പറയാനുള്ള ന്യൂസിലാന്‍ഡ് ഓള്‍ റൗണ്ടര്‍ ജിമ്മി നീഷാമിന്...സ്വന്തം മുഖത്തേക്ക് റിവേഴ്‌സ് സ്വീപ്പ് കളിക്കരുത്. ഇന്ത്യ എയ്‌ക്കെതിരായ ന്യൂസിലാന്‍ഡ് ഇലവന്റെ അനൗദ്യോഗിക ഏകദിനത്തിലേറ്റ അടിയുടെ വെളിച്ചത്തിലാണ് നീഷാമിന്റെ ഉപദേശം.
ന്യൂസിലാന്‍ഡ് ഇന്നിങ്‌സിന്റെ 31ാം ഓവറിലാണ് സംഭവം. ക്രുനാല്‍ പാണ്ഡ്യയുടെ ഡെലിവറിയില്‍ റിവേഴ്‌സ് സ്വീപ്പ് കളിക്കാനുള്ള നീഷാമിന്റെ ശ്രമം പാളി. പന്ത് നേരെ താടിയെല്ലിന്റെ ഭാഗത്ത് വന്നടിച്ചു. പിന്നാലെ നീഷാമിന് ഗ്രൗണ്ട് വിടേണ്ടതായും വന്നു.
സെഞ്ചുറി നേടി ജോര്‍ജ് വോര്‍ക്‌സ് മടങ്ങിയതിന് പിന്നാലെ ബാറ്റ് ചെയ്യാനായി നീഷാം വീണ്ടും ക്രീസിലേക്കെത്തി. 31 പന്തില്‍ നിന്ന് പുറത്താവാതെ 33 റണ്‍സ് നേടി 296 റണ്‍സ് എന്ന വിജയലക്ഷ്യത്തിലേക്കെത്താന്‍ ന്യൂസിലാന്‍ഡിനെ സഹായിച്ചാണ് നീഷാം മടങ്ങിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
