ഫെഡററെ വെള്ളം കുടിപ്പിച്ച് അമേരിക്കന്‍ താരം; ഓസ്‌ട്രേലിയന്‍ ഓപ്പണില്‍ സെമി പിടിച്ചത് കഷ്ടിച്ച് 

6-3, 2-6, 2-6, 7-6, 6-3 എന്ന സ്‌കോറിനാണ് ലോക 100ാം റാങ്കുകാരന്റെ അട്ടിമറി പ്രതീക്ഷകള്‍ ഫെഡറര്‍ തകര്‍ത്തത്
ഫെഡററെ വെള്ളം കുടിപ്പിച്ച് അമേരിക്കന്‍ താരം; ഓസ്‌ട്രേലിയന്‍ ഓപ്പണില്‍ സെമി പിടിച്ചത് കഷ്ടിച്ച് 

സ്‌ട്രേലിയന്‍ ഓപ്പണ്‍ സെമി ഫൈനലിലേക്ക് കഷ്ടിച്ച് കടന്നു കൂടി സ്വിസ് ഇതിഹാസം റോജര്‍ ഫെഡറര്‍. രണ്ട് സെറ്റുകള്‍ പിന്നിലേക്ക് പോയിടത്ത് നിന്ന് ബ്രേക്ക് പോയിന്റ് പിടിച്ച് തിരിച്ചു വന്നാണ് ഫെഡറര്‍ ക്വാര്‍ട്ടറില്‍ ജയം തൊട്ടത്. ഫെഡറര്‍ക്ക് അമേരേിക്കന്‍ താരം സാന്‍ഡ്‌ഗ്രെന്‍ പുറത്തേക്കുള്ള വഴി തുറക്കുമെന്ന് തോന്നിച്ചെങ്കിലും കരുത്ത് കാട്ടി ഫെഡറര്‍ തിരിച്ചടിച്ചു. 

6-3, 2-6, 2-6, 7-6, 6-3 എന്ന സ്‌കോറിനാണ് ലോക 100ാം റാങ്കുകാരന്റെ അട്ടിമറി പ്രതീക്ഷകള്‍ ഫെഡറര്‍ തകര്‍ത്തത്. ആദ്യ സെറ്റ് സ്വന്തമാക്കി തുടങ്ങിയ ഫെഡറര്‍ക്ക് പക്ഷേ രണ്ടും മൂന്നും സെറ്റുകള്‍ നഷ്ടപ്പെട്ടു. എന്നാല്‍ നാലാം സെറ്റില്‍ ടൈ ബ്രേക്കറിന്റെ ത്രില്ലില്‍ സെറ്റ് പിടിച്ചു. അഞ്ചാം സെറ്റില്‍ അമേരിക്കന്‍ താരത്തിന് മുന്‍പില്‍ ആധിപത്യം ഉറപ്പിച്ച് സെമിയിലേക്ക്....

ഇത് ഇരുപത്തിരണ്ടാം വട്ടമാണ് മാച്ച് പോയിന്റ് നഷ്ടപ്പെട്ടിടത്ത് നിന്ന് ഫെഡറര്‍ കളി തിരിച്ചു പിടിച്ച് ജയിക്കുന്നത്. ഓസ്‌ട്രേലിയന്‍ ഓപ്പണിന്റെ സെമിയിലേക്ക് കടന്നെങ്കിലും പരിക്കിന്റെ ഭീഷണിയും ക്വാര്‍ട്ടര്‍ ഫൈനല്‍ പോര് ഫെഡററിന് മുന്‍പില്‍ ഉയര്‍ത്തി. ഇത് 15ാം വട്ടമാണ് ഫെഡറര്‍ ഓസ്‌ട്രേലിയന്‍ ഓപ്പണിന്റെ സെമിയിലേക്കെത്തുന്നത്. കഴിഞ്ഞ വര്‍ഷം സ്റ്റെഫാനോ സിറ്റ്‌സിപാസിനോട് നാലാം റൗണ്ടില്‍ തോറ്റ് ഫെഡററിന് പുറത്തേക്ക് പോവേണ്ടി വന്നിരുന്നു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com