ന്യൂഡല്‍ഹി: കോവിഡ് 19ന്റെ സാഹചര്യത്തില്‍ ഈ വര്‍ഷത്തെ ഏഷ്യാ കപ്പ് മാറ്റിവെച്ചതായി ബിസിസിഐ പ്രസിഡന്റ് സൗരവ് ഗാംഗുലി. പാക് ക്രിക്കറ്റ് ബോര്‍ഡ് തലവന്‍ ഇഹ്‌സാന്‍ മാനിയും ഇക്കാര്യം സ്ഥിരീകരിച്ചു.
വ്യാഴാഴ്ച ഏഷ്യന്‍ ക്രിക്കറ്റ് കൗണ്‍സില്‍ യോഗം ചേരാനിരികെയാണ് ബിസിസിഐ, പിസിബി തലവന്മാര്‍ ഇക്കാര്യം വെളിപ്പെടുത്തിയത്. പാകിസ്ഥാനായിരുന്നു ഏഷ്യാ കപ്പിന്റെ വേദിയാവേണ്ടിയിരുന്നത്. എന്നാല്‍ ഇന്ത്യ പാകിസ്ഥാനില്‍ കളിക്കാന്‍ വിസമ്മതിച്ചതോടെ വേദി യുഎഇയിലേക്ക് മാറ്റിയിരുന്നു.
കളിക്കാരുടെ ആരോഗ്യമാണ് പ്രധാനമെന്നും, അതിനാല്‍ ടൂര്‍ണമെന്റുമായി മുന്‍പോട്ട് പോവാന്‍ താത്പര്യം ഇല്ലെന്നുമായിരുന്നു ഗാംഗുലിയുടെ വാക്കുകള്‍. എന്നാല്‍ ഗാംഗുലിയുടെ പരാമര്‍ശത്തെ പിസിബി തലവന്‍ വിമര്‍ശിച്ചു.
ഏഷ്യാ കപ്പിന്റെ കാര്യത്തില്‍ തീരുമാനം എടുക്കേണ്ടത് എസിസി ബോഡിയാണ്. അവസാന തീരുമാനം വരേണ്ടത് അവിടെയാണ്. ഗാംഗുലി ഇപ്പോള്‍ നടത്തിയ പരാമര്‍ശത്തിന് നടപടി ക്രമങ്ങളെ സ്വാധീനിക്കാനാവില്ല. എല്ലാ ആഴ്ചയും ഗാംഗുലി പ്രതികരിക്കുമെങ്കിലും അതിനൊന്നും മൂല്യമില്ലെന്നും ഇഹ്‌സാന്‍ മാനി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
