മാഞ്ചസ്റ്റര്‍: രാജ്യാന്തര ക്രിക്കറ്റില്‍ കോവിഡ് പ്രോട്ടോക്കോള്‍ ലംഘനത്തിന് താക്കീത് വാങ്ങുന്ന ആദ്യ താരമായി ഇംഗ്ലണ്ട് താരം സിബ്ലി. വെസ്റ്റ് ഇന്‍ഡീസിനെതിരായ രണ്ടാം ടെസ്റ്റിന് ഇടയില്‍ സിബ്ലി പന്തില്‍ തുപ്പല്‍ തേച്ച് മിനുക്കി.
വിന്‍ഡിസിന്റെ ആദ്യ ഇന്നിങ്‌സിലെ 41ാം ഓവറിന് മുന്‍പായിട്ടാണ് സംഭവം. പന്ത് കയ്യിലെത്തിയ സമയം സിബ്ലി കോവിഡ് കാലമാണെന്ന് മറന്ന് പന്തില്‍ തുപ്പല്‍ തേച്ചു. പൊടുന്നനെ തെറ്റ് മനസിലാക്കിയ സിബ്ലി അമ്പയര്‍മാരുടെ പക്കല്‍ ചെന്ന് കാര്യം പറഞ്ഞു.
ഇതോടെ അമ്പയര്‍മാര്‍ പന്ത് വാങ്ങി അണുനാശിനിയുള്ള ടിഷ്യുപേപ്പര്‍ കൊണ്ട് പന്ത് വൃത്തിയാക്കി. കളിക്കാര്‍ ഉമിനീര് പന്തില്‍ പുരട്ടിയാല്‍ രണ്ട് വട്ടമാണ് ഫീല്‍ഡിങ് ടീമിന് താക്കീത് നല്‍കുക. താക്കീത് ലഭിച്ചതിന് ശേഷവും തെറ്റ് ആവര്‍ത്തിച്ചാല്‍ അഞ്ച് റണ്‍സ് പെനാല്‍റ്റി വിധിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
