ഇന്ത്യന്‍ ക്രിക്കറ്റ് ടീമിനെ പ്രശംസ കൊണ്ട് മൂടി ഓസീസ് താരം മാര്‍കസ് സ്റ്റൊയ്നിസ്. ലോക ക്രിക്കറ്റിലെ ഏറ്റവും കഴിവുള്ള കളിക്കാര്‍ ഇന്ത്യന്‍ ടീമിലാണെന്ന് സ്റ്റൊയ്നിസ് പറയുന്നു.
ഇന്ത്യയുടെ റിസര്‍വ് താരങ്ങള്‍ പോലും എന്നെക്കാള്‍ നന്നായി കളിക്കുന്നവരാണ്. ഇന്ത്യയില്‍ കളിക്കുന്നത് ഞാന്‍ ഇഷ്ടപ്പെടുന്നു. ഇന്ത്യയുടെ സംസ്‌കാരത്തെ ഇഷ്ടപ്പെടുന്നു പകരംവെക്കാനില്ലാത്ത എനര്‍ജി നമ്മുടെ മനസിനെ ഉണര്‍ത്തും. അതിന് ഒരിക്കലും നിങ്ങളെ പ്രചോദിപ്പിക്കാതെ കടന്നു പോവാനാവില്ല, സ്റ്റൊയ്നിസ് പറഞ്ഞു.
ഇന്ത്യയുടെ ഓസ്‌ട്രേലിയന്‍ പര്യടനത്തില്‍ എത്രമാത്രം കോഹ് ലി എത്രമാത്രം തങ്ങളെ സമ്മര്‍ദത്തിലാക്കിയതായി വെളിപ്പെടുത്തി ഓസീസ് കോച്ച് ലാംഗറും കഴിഞ്ഞ ദിവസം രംഗത്തെത്തിയിരുന്നു.
പഞ്ചിംഗ് ബാഗ് പോലെയാണ് ഞങ്ങള്‍ക്ക് ഞങ്ങളെ തന്നെ തോന്നിയത്. ഞങ്ങള്‍ക്ക് തിരിച്ചടിക്കാന്‍ സാധിക്കില്ലെന്ന തോന്നലാണ് ഉണ്ടായത്. ചില ഓസീസ് ബാറ്റ്‌സ്മാന്മാര്‍ക്ക് കോഹ് ലി ഗ്രൗണ്ടില്‍ വെച്ച് നല്‍കിയ സെന്റ് ഓഫിന്റെ തീവ്രതയും ലാംഗര്‍ ചൂണ്ടിക്കാട്ടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
