ടോക്കിയോ: കൊറോണ വൈറസ് വ്യാപനത്തെ തുടർന്ന് 2020 ടോക്കിയോ ഒളിംപിക്സ് മാറ്റിവെച്ചേക്കുമെന്ന് സൂചന. ഒളിംപിക്സ് മാറ്റിവെക്കുന്നതിനെക്കുറിച്ച് നാലു ആഴ്ചയ്ക്കുള്ളിൽ ഔദ്യോഗിക തീരുമാനമെടുക്കുമെന്ന് അന്താരാഷ്ട്ര ഒളിമ്പിക് കമ്മറ്റി (ഐഒസി) അറിയിച്ചു. ഒരു വർഷം വരെ ഗെയിംസ് നീട്ടിവയ്ക്കുന്നത് പരിഗണിക്കുന്നുണ്ട്.
ഒളിംപിക്സ് മാറ്റിവെക്കേണ്ടിവരുമെന്ന് ജപ്പാൻ പ്രധാനമന്ത്രി ഷിൻസോ ആബെയും പ്രതികരിച്ചു. ആദ്യമായാണ് ജപ്പാൻ ഒളിംപിക്സ് മാറ്റിവെക്കേണ്ടിവരുമെന്ന് സമ്മതിക്കുന്നത്. കൊറോണ വൈറസ് വ്യാപന പശ്ചാത്തലത്തിൽ ലോകത്ത് നടന്നുവന്ന മഹാഭൂരിപക്ഷം മത്സരങ്ങളും റദ്ദാക്കുകയോ നീട്ടിവയ്ക്കുകയോ ചെയ്തിട്ടുണ്ട്.
ഇതേത്തുടർന്നു ഒളിമ്പിക്സ് നീട്ടിവയ്ക്കാൻ ഐഒസിക്ക് മേൽ സമ്മർദമേറിയിരുന്നു. ഗെയിംസ് നീട്ടണമെന്ന ആവശ്യവുമായി കൂടുതൽ രാജ്യങ്ങളും സംഘടനകളും കളിക്കാരും രംഗത്തുവരുന്നിരുന്നു. ജൂലൈ 24 മുതൽ ഓഗസ്റ്റ് ഒമ്പതു വരെയാണ് ടോക്കിയോ ഒളിമ്പിക്സ് അരങ്ങേറേണ്ടത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ