ധോനിയെന്ന് കേള്‍ക്കുമ്പോള്‍ ഹെലികോപ്റ്റര്‍ ഷോട്ട് ഓര്‍മയിലേക്ക് എത്താത്തവര്‍ വിരളമായിരിക്കും. ഗ്യാലറികളെ ഇളക്കി മറിക്കുന്ന ധോനിയുടെ ഹെലികോപ്റ്റര്‍ ഷോട്ടിന്റെ മറ്റൊരു രൂപമാണ് ഇപ്പോള്‍ വരുന്നത്. ഒറ്റക്കൈ കൊണ്ടാണ് ഇവിടെ ഹെലികോപ്റ്റര്‍ ഷോട്ട് പറന്നത്...
കമന്റേറ്റര്‍ ആകാശ് ചോപ്രയാണ് ഈ ഹെലികോപ്റ്റര്‍ ഷോട്ട് ആരാധകരുമായി പങ്കുവെക്കുന്നത്. ഇതിലും മികച്ച ഹെലികോപ്റ്റര്‍ ഷോട്ട് കാണിച്ച് തരാമോ? ഞങ്ങള്‍ കാത്തിരിക്കാം, ആകാശ് ചോപ്ര ട്വിറ്ററില്‍ കുറിച്ചു. എന്നാല്‍ ഈ ഷോട്ട് കൊണ്ട് ഒരു പ്രയോജനവും ഇല്ലെന്നാണ് ആരാധകരുടെ കമന്റ്.
രാജ്യാന്തര ക്രിക്കറ്റിലാണ് ഇത് കളിക്കുന്നത് എങ്കില്‍ ഉറപ്പായും സര്‍ക്കിളിന് ഉള്ളില്‍ വെച്ച് പിടിക്കും. ഉയരത്തില്‍ പോകുന്നുണ്ട് എന്നേയുള്ളു, എന്നാല്‍ ബൗണ്ടറി ലൈന്‍ കടക്കാനുള്ള കരുത്തില്ല, വീഡിയോയ്ക്കടിയിലെ കമന്റുകള്‍ ഇങ്ങനെ പോവുന്നു...
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
