ഗ്രീഷ്മകാലത്ത് ക്രിക്കറ്റ് വസന്തത്തിനായി ഒരുങ്ങി ഓസ്‌ട്രേലിയ, ഇന്ത്യക്കെതിരായ പരമ്പരയുടെ ഷെഡ്യൂള്‍ പ്രഖ്യാപിച്ചു

എല്ലാ ടെസ്റ്റുകളും ഒരു വേദിയില്‍ നടത്താന്‍ ഓസ്‌ട്രേലിയ ശ്രമിക്കുന്നു എന്ന റിപ്പോര്‍ട്ടുകള്‍ വന്നിരുന്നു
ഗ്രീഷ്മകാലത്ത് ക്രിക്കറ്റ് വസന്തത്തിനായി ഒരുങ്ങി ഓസ്‌ട്രേലിയ, ഇന്ത്യക്കെതിരായ പരമ്പരയുടെ ഷെഡ്യൂള്‍ പ്രഖ്യാപിച്ചു

മെല്‍ബണ്‍: ഇന്ത്യക്കെതിരായ ടെസ്റ്റ് പരമ്പരയ്ക്ക് വേണ്ട നാല് വേദികളും കണ്ടെത്തി ക്രിക്കറ്റ് ഓസ്‌ട്രേലിയ. അഡ്‌ലെയ്ഡ്, മെല്‍ബണ്‍, സിഡ്‌നി എന്നിവയാണ് മത്സര വേദികള്‍. എല്ലാ ടെസ്റ്റുകളും ഒരു വേദിയില്‍ നടത്താന്‍ ഓസ്‌ട്രേലിയ ശ്രമിക്കുന്നു എന്ന റിപ്പോര്‍ട്ടുകള്‍ വന്നിരുന്നു.

ഡിസംബര്‍ മൂന്നിന് ബ്രിസ്‌ബേനിലാണ് പരമ്പരയിലെ ആദ്യ ടെസ്റ്റ്. ഡിസംബര്‍ 11 മുതല്‍ അഡ്‌ലെയ്ഡിലാണ് രണ്ടാമത്തെ ടെസ്റ്റ്. ഡിബംസര്‍ 26 മുതല്‍ മെല്‍ബണ്‍ ക്രിക്കറ്റ് ഗ്രൗണ്ടിലാണ് ബോക്‌സിങ് ഡേ ടെസ്റ്റ്. സിഡ്‌നിയാണ് പരമ്പരയിലെ അവസാന ടെസ്റ്റിന് വേദിയാവുക. ജനുവരി മൂന്നിനാണ് സിഡ്‌നിയിലെ ടെസ്റ്റ്. 

കോവിഡ് 19 സൃഷ്ടിച്ച പ്രതിസന്ധിയെ തുടര്‍ന്ന് ഇന്ത്യയുടെ ഓസ്‌ട്രേലിയന്‍ പര്യടനത്തില്‍ അനിശ്ചിതത്വം നിലനിന്നിരുന്നു.  കഴിഞ്ഞ വര്‍ഷം ഓസ്‌ട്രേലിയന്‍ പര്യടനത്തില്‍ ഓസീസ് മണ്ണില്‍ ആദ്യമായി ടെസ്റ്റ് പരമ്പര ജയം പിടിച്ച് ഇന്ത്യ ചരിത്രമെഴുതിയിരുന്നു. 2-1നാണ് ഇന്ത്യ അവിടെ ജയം പിടിച്ചത്. 

ഇന്ത്യക്കെതിരായ പരമ്പരക്ക് മുന്‍പ് അഫ്ഗാനിസ്ഥാനെതിരെ കളിച്ച് ഹോം സമ്മര്‍ സീസണ്‍ ആരംഭിക്കാനാണ് ഓസ്‌ട്രേലിയയുടെ പദ്ധതി. പെര്‍ത്തില്‍ നവംബര്‍ 21നാണ് അഫ്ഗാനിസ്ഥാനെതിരായ ടെസ്റ്റ് ആരംഭിക്കുക. രാത്രി പകല്‍ ടെസ്റ്റാണ് അത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com