മിനിയാപൊളിസിലെ പൊലീസ് ഓഫീസറുടെ ക്രൂരതയില് ആഫ്രിക്കന് അമേരിക്കന് ജീവന് നഷ്ടമായ സംഭവത്തില് രോഷം പ്രകടിപ്പിച്ച് യുഎസ് ടെന്നീസ് താരം കോക്കോ ഗൗഫും. അടുത്തത് ഞാനോ എന്ന ചോദ്യവുമായാണ് ടെന്നീസിലെ ഭാവി താരം എന്ന് വിലയിരുത്തപ്പെടുന്ന ഗൗഫ് എത്തുന്നത്.
കറുത്ത വംശജന് എന്നതിന്റെ പേരില് ക്രൂരതകളേറ്റ് ജീവന് നഷ്ടമായവരുടെ ഫോട്ടോകള് ഒപ്പം ചേര്ത്താണ് അടുത്തത് ഇനി ആര് എന്ന ചോദ്യം കൊക്കോ ഗൗഫ് ഉയര്ത്തുന്നത്. ആര്ബറി എന്ന 25കാരനെഫെബ്രുവരി 23നാണ് കൊലപ്പെടുത്തിയത്. എമര്ജന്സി മെഡിക്കല് സ്റ്റാഫായ ടെയ്ലറെ പൊലീസ് ഓഫീസര് വെടിവെച്ച് കൊല്ലുകയായിരുന്നു. ഇവരുടെ ഫോട്ടോ പങ്കുവെച്ച ശേഷം ഞാനോ അടുത്തത് എന്ന് ചോദിച്ചാണ് കൊക്കോയുടെ വീഡിയോ...
കഴിഞ്ഞ വര്ഷത്തെ വിംബിംള്ഡണില് അലയൊലി സൃഷ്ടിച്ചാണ് കൊക്കോ ഗൗഫ് ടെന്നീസ് ലോകത്തിന്റെ ശ്രദ്ധ തന്നിലേക്ക് എത്തിക്കുന്നത്. ഫസ്റ്റ് റൗണ്ടില് വീനസ് വില്യംസിനെ കൊക്കോ തകര്ത്തെറിഞ്ഞു. എന്നാല് 16ാം റൗണ്ടിന് അപ്പുറം കടക്കാന് യുഎസിന്റെ പതിനാറുകാരിക്കായില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ