ഇന്ത്യൻ സംഘം ഓസ്ട്രേലിയയിൽ; കോഹ് ലിക്ക് ഇതിഹാസ താരത്തിന്റെ സ്യൂട്ട്

കോഹ് ലിയുടെ നേതൃത്വത്തിൽ 25 അംഗ ഇന്ത്യൻ ടീമാണ് ഓസ്ട്രേലിയയിലേക്ക് എത്തിയത്
ഇന്ത്യൻ സംഘം ഓസ്ട്രേലിയയിൽ; കോഹ് ലിക്ക് ഇതിഹാസ താരത്തിന്റെ സ്യൂട്ട്

സിഡ്നി: രണ്ട് മാസം നീണ്ടുനിൽക്കുന്ന പര്യടനത്തിനായി ഇന്ത്യൻ ടീം ഓസ്ട്രേലിയയിൽ എത്തി. കോഹ് ലിയുടെ നേതൃത്വത്തിൽ 25 അംഗ ഇന്ത്യൻ ടീമാണ് ഓസ്ട്രേലിയയിലേക്ക് എത്തിയത്. 

14 ദിവസത്തെ ക്വാറന്റൈനിന് ഇടയിൽ പരിശീലനം നടത്താനും കളിക്കാർക്ക് കഴിയും. സ്റ്റീവ് സ്മിത്ത്, ഡേവിഡ് വാർണർ, കമിൻസ് എന്നിവരും വ്യാഴാഴ്ചയോടെ നാട്ടിലേക്ക് എത്തി. ബയോ ബബിളിന് കീഴിൽ ബ്ലാക്ക്ടൗൺ ഇന്റർനാഷണൽ സ്പോർട്സ് പാർക്കിലാണ് ക്വാറന്റൈനിൽ ഇരിക്കുന്ന സമയം ഇന്ത്യൻ ടീം പരിശീലനം നടത്തുക.

അതിനിടയിൽ പ്രത്യേക പരിഗണനയാണ് ഇവിടെ ഇന്ത്യൻ നായകനെ തേടി എത്തുന്നത്. പുൾമാൻ ഹോട്ടലിലാണ് ഇന്ത്യൻ സംഘം തങ്ങുന്നത്. ഇത് ന്യൂ സൗത്ത് വെയ്ൽസ് റഗ്ബി ടീമിന്റെ താവളമാണ്. നിലവിൽ റഗ്ബി ടീം മറ്റൊരു ഹോട്ടലിലാണ്. 

ഓസ്ട്രേലിയൻ റഗ്ബി ഇതിഹാസ താരം ബ്രാഡ് ഫിറ്റ്ലർ തങ്ങുന്ന സ്യൂട്ടാണ് കോഹ് ലിക്ക് ലഭിച്ചത്. കളിക്കാരുടെ കുടുംബാംഗങ്ങളും ഓസ്ട്രേലിയയിലേക്ക് എത്തിയിട്ടുണ്ട്. ഇവരും ക്വാറന്റൈനിന് വിധേമാവണം. ഐപിഎൽ കഴിഞ്ഞ് എത്തിയ ഓസീസ് താരങ്ങൾ ക്വാറന്റൈൻ പൂർത്തിയാക്കി ദേശിയ ക്യാംപിൽ ചേരും

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com