റിയോ ഡി ജനീറോ : ലോകകപ്പ് യോഗ്യതാ റൗണ്ടില് മുന് ചാമ്പ്യന്മാരായ അര്ജന്റീനയെ സമനിലയില് തളച്ച് പരാഗ്വെ. ലാറ്റിനമേരിക്കന് കരുത്തരെ 1-1 നാണ് പരാഗ്വെ സമനിലയില് പിടിച്ചത്. നായകന് മെസ്സി നേടിയ ഗോള് വാര് നിഷേധിച്ചത് അര്ജീനനയ്ക്ക് തിരിച്ചടിയായി.
പെനാല്റ്റി അര്ജന്റീനന് വലയിലെത്തിച്ച് റോമെറോയാണ് പരാഗ്വെയെ ആദ്യം മുന്നിലെത്തിച്ചത്. തുടര്ന്ന് ശക്തമായി ആക്രമിച്ചു കളിച്ച അര്ജന്റീന ഗോണ്സാലസിന്റെ ബുള്ളറ്റ് ഹെഡ്ഡറിലൂടെ സമനില പിടിക്കുകയായിരുന്നു.
ആദ്യ പകുതി സമനിലയില് കലാശിച്ചു. രണ്ടാം പകുതിയില് ഫ്രീകിക്ക് പരാഗ്വെ താരത്തിന്റെ കൈയില് തട്ടിയെന്ന് ആരോപിച്ച് അര്ജന്റീന പെനാല്റ്റിക്കായി വാദിച്ചെങ്കിലും റഫറി അനുവദിച്ചില്ല. ഇതിന് പിന്നാലെ മെസ്സി പന്ത് പരാഗ്വെ വലയിലെത്തിച്ചു.
റഫറി ഗോള് തീരുമാനം വാര്-ന് വിട്ടു. ദീര്ഘ പരിശോധനയ്ക്ക് ശേഷം വാര് ഗോള് നിഷേധിക്കുകയായിരുന്നു. മെസ്സി ഗോള് നേടിയ സമയത്ത് മറ്റൊരു അര്ജന്റീന താരം ഓഫ് ആയിരുന്നുവെന്നാണ് കണ്ടെത്തല്. ഇത് അര്ജന്റീനന് ക്യാംപില് വഴി നീണ്ട പ്രതിഷേധത്തിനും ഇടയാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ