ബാബര്‍ അസമിന്റെ മികവില്‍ കറാച്ചി കിങ്‌സ്; ആദ്യ പിഎസ്എല്‍ കിരീടം 

ഫൈനലില്‍ ലാഹോര്‍ ക്വലാന്‍ഡേഴ്‌സിനെ അഞ്ച് വിക്കറ്റിന് തോല്‍പ്പിച്ചാണ് കറാച്ചി കിങ്‌സ് ആദ്യ പിഎസ്എല്‍ കിരീടം സ്വന്തമാക്കിയത്
ബാബര്‍ അസമിന്റെ മികവില്‍ കറാച്ചി കിങ്‌സ്; ആദ്യ പിഎസ്എല്‍ കിരീടം 

ലാഹോര്‍: പാകിസ്ഥാന്‍ സൂപ്പര്‍ ലീഗ് കിരീടം കറാച്ചി കിങ്‌സിന്. ഫൈനലില്‍ ലാഹോര്‍ ക്വലാന്‍ഡേഴ്‌സിനെ അഞ്ച് വിക്കറ്റിന് തോല്‍പ്പിച്ചാണ് കറാച്ചി കിങ്‌സ് ആദ്യ പിഎസ്എല്‍ കിരീടം സ്വന്തമാക്കിയത്. 

ബാബര്‍ അസമിന്റെ അര്‍ധ സെഞ്ചുറി മികവിലാണ് കറാച്ചി വലിയ അപകടങ്ങളില്ലാതെ ജയം തൊട്ടത്. ലാഹോര്‍ ഉയര്‍ത്തിയ 135 റണ്‍സ് വിജയ ലക്ഷ്യം എട്ട് പന്തുകള്‍ ശേഷിക്കെ 5 വിക്കറ്റ് കയ്യില്‍ വെച്ച് കറാച്ചി മറികടന്നു. ഒരുഘട്ടത്തില്‍ 49-2 എന്ന നിലയില്‍ വീണെങ്കിലും ഓപ്പണറായി ഇറങ്ങിയ അസം ഒരറ്റത്ത് ഉറച്ചു നിന്നു. 

49 പന്തില്‍ നിന്ന് ഏഴ് ബൗണ്ടറി കണ്ടെത്തി 63 റണ്‍സോടെ അസം പുറത്താവാതെ നിന്നു. ഫൈനലിലെ മാസ്റ്റര്‍ക്ലാസിന് ബാബര്‍ അസമാണ് കളിയിലെ താരം. ടൂര്‍ണമെന്റിലെ താരവും അസം തന്നെ. നേരത്തെ ടോസ് നേടി ബാറ്റിങ്ങിന് ഇറങ്ങിയ ലാഹോറിന് വേണ്ടി ബാറ്റിങ് മികവ് പുറത്തെടുക്കാന്‍ ആര്‍ക്കുമായില്ല. 38 പന്തില്‍ നിന്ന് 35 റണ്‍സ് നേടിയ തമീം ഇഖ്ബാല്‍ ആണ് അവരുടെ ടോപ് സ്‌കോറര്‍.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com