പനാജി: ഐഎസ്എല്ലിലെ ഉദ്ഘാടന പോരാട്ടത്തില് വിജയം സ്വന്തമാക്കി എടികെ മോഹന് ബഗാന്. ആദ്യ പോരാട്ടത്തില് എടികെ കേരള ബ്ലാസ്റ്റേഴ്സിനെ മറുപടിയില്ലാത്ത ഒറ്റ ഗോളിന് കീഴടക്കി. ആദ്യ പകുതി ഗോള്രഹിതമായപ്പോള് 67ാം മിനിട്ടില് റോയ് കൃഷ്ണയാണ് കൊല്ക്കത്തന് കരുത്തരുടെ വിജയ ഗോള് വലയിലാക്കിയത്.
4-3-3 ഫോര്മേഷനിലാണ് ബ്ലാസ്റ്റേഴ്സിനെ കോച്ച് കിബു വികുന ഇറക്കിയത്. മറുവശത്ത് 3-5-2 എന്ന ഫോര്മേഷനിലാണ് എടികെ കളിച്ചത്.
ഒട്ടേറെ അവസരങ്ങള് കിട്ടിയിട്ടും ഫിനിഷിങിലെ പോരായ്മ ബ്ലാസ്റ്റേഴ്സിന് വിനയായി മാറി. മറുഭാഗത്ത് എടികെയും അവസരങ്ങള് സൃഷ്ടിച്ചു.
67-ാം മിനിട്ടില് സൂപ്പര് താരം റോയ് കൃഷ്ണയാണ് എടികെയ്ക്ക് വേണ്ടി ഗോള് നേടിയത്. ബ്ലാസ്റ്റേഴ്സിന്റെ പ്രതിരോധപ്പിഴവില് നിന്നാണ് ഗോള് പിറന്നത്. കിട്ടിയ അവസരം റോയ് കൃത്യമായി മുതലാക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ