ഫത്തോർഡ: ഐഎസ്എല്ലിൽ ഇന്നു നടന്ന ബെംഗളൂരു എഫ്.സി - ഹൈദരാബാദ് എഫ്.സി മത്സരം ഒരു ഗോൾ പോലും അടിക്കാതെ സമനിലയിൽ കലാശിച്ചു. കരുത്തരായ ബെംഗളൂരുവിനെതിരേ ആദ്യ പകുതിയിൽ മികച്ച മുന്നേറ്റങ്ങളുമായി ഹൈദരാബാദ് കളം നിറഞ്ഞു. 24-ാം മിനിറ്റിൽ ഹൈദരാബാദിന്റെ ഗോളെന്നുറച്ച ഫ്രീ കിക്ക് ഗുർപ്രീത് സിങ് അവിശ്വസനീയമായി രക്ഷപ്പെടുത്തുകയായിരുന്നു. ഒടുവിൽ ഒരു ടീമും ഗോൾ വല ചലിപ്പിക്കാതെ മത്സരം പൂർത്തിയാക്കി.
കളിക്കിടെ രണ്ട് താരങ്ങൾക്ക് പരിക്കേറ്റത് ഹൈദരാബാദിന് തിരിച്ചടിയായി. ജോയൽ ജോസഫും ലൂയിസ് സസ്ത്രെയുമാണ് പരിക്കേറ്റ് മടങ്ങിയത്. ബെംഗളൂരു താരങ്ങളായ എറിക് പാർത്താലുവും ഹർമൻജോത് ഖബ്രയും മഞ്ഞക്കാർഡ് കണ്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ