കൊളംബോ: ലങ്കന്‍ പ്രീമിയര്‍ ലീഗില്‍ തകര്‍ത്തടിച്ച് ആന്ദ്ര റസല്‍. 14 പന്തിലാണ് റസല്‍ അര്‍ധ ശതകം തികച്ചത്. ടി20 ചരിത്രത്തിലെ മൂന്നാമത്തെ വേഗമേറിയ അര്‍ധ ശതകത്തിനൊപ്പവും റസല്‍ എത്തി.
19 പന്തില്‍ നിന്ന് 65 റണ്‍സ് നേടിയാണ് റസല്‍ മടങ്ങിയത്. മഴ രസംകൊല്ലിയായി എത്തിയ കളിയില്‍ അഞ്ച് ഓവറില്‍ ഇതോടെ ഒരു വിക്കറ്റ് നഷ്ടത്തില്‍ കൊളംബോ കിങ്‌സ് കണ്ടെത്തിയത് 96 റണ്‍സ്. ചെയ്‌സ് ചെയ്ത് ഇറങ്ങിയ ഗല്ലേയ്ക്ക് 5 ഓവറില്‍ കണ്ടെത്താനായത് രണ്ട് വിക്കറ്റ് നഷ്ടത്തില്‍ 62 റണ്‍സ് മാത്രം.
അവിടെ 19 പന്തുകള്‍ റസല്‍ നേരിട്ടപ്പോള്‍ ഡോട്ട് ബോളായത് രണ്ട് ഡെലിവറി മാത്രം. എടുത്തത് മൂന്ന് സിംഗിളും, ഒരു ഡബിളും. പറത്തിയത് നാല് സിക്‌സും 9 ഫോറും. കൊല്‍ക്കത്ത നൈറ്റ്‌റൈഡേഴ്‌സിന്റെ ഗ്ലൗസാണ് റസല്‍ അണിഞ്ഞിരുന്നത് എന്ന പ്രത്യേകതയുമുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
