അബുദാബി: ഐപിഎല്ലില് കൊല്ക്കത്ത നൈറ്റ് റൈഡേഴ്സിനെതിരെ ചെന്നൈ സൂപ്പര് കിങ്സിന് 168 റണ്സ് വിജയലക്ഷ്യം. ഓപ്പണര് രാഹുല് ത്രിപാദിയുടെ തകര്പ്പന് ബാറ്റിങാണ് കൊല്ക്കത്ത് മികച്ച സ്കോര് സമ്മാനിച്ചത്. 51 പന്തുകളില് നിന്ന് 81 റണ്സാണ് ത്രിപാദി അടിച്ചുകൂട്ടിയത്.
ടോസ് നേടിയ കൊല്ക്കത്ത നായകന് ദിനേശ് കാര്ത്തിക് ബാറ്റിംഗ് തിരഞ്ഞെടുക്കുകയായിരുന്നു. എട്ട് ബൗണ്ടറികളും മൂന്ന് സിക്സറുകളും ത്രിപാദിയുടെ ഇന്നിങ്സില് ഉള്പ്പെടുന്നു. സുനില് നരെയ്ന് 17 റണ്സെടത്തു. അവസാന ഓവറുകളില് ക്യാപ്റ്റന് ദിനേഷ് കാര്ത്തികും കുമ്മിന്സുമാണ് കൊല്ക്കത്തയുടെ സ്കോര് ഉയര്ത്തിയത്.
ചെന്നൈ നിരയില് പീയുഷ് ചൗളയ്ക്ക് പകരം കരണ് ശര്മ്മ ടീമിലെത്തി. നാലോവറില് 25 റണ്സ് രണ്ട് വിക്കറ്റ് നേടുകയും ചെയ്തു. ശാര്ദ്ദുല് താക്കൂറും രണ്ട് വിക്കറ്റ് നേടി. ബ്രാവോ മൂന്ന് വിക്കറ്റുകള് വീഴ്ത്തി
കൊല്ക്കത്ത നിരയില് മാറ്റങ്ങളില്ല. പോയിന്റ് ടേബിളില് കൊല്ക്കത്ത നാലാമതും ചെന്നൈ അഞ്ചാമതുമാണ്. ചെന്നൈ അഞ്ച് മത്സരങ്ങള് കളിച്ചപ്പോള് കൊല്ക്കത്ത നാല് മത്സരങ്ങള് മാത്രമേ കളിച്ചിട്ടുള്ളൂ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ