കൊല്‍ക്കത്ത ആദ്യം ബാറ്റ് ചെയ്യും, ഗെയ്‌ലിനെ വീണ്ടും തഴഞ്ഞ് പഞ്ചാബ് 

തുടരെ രണ്ടാമത്തെ ജയം തേടി കൊല്‍ക്കത്ത വരുമ്പോള്‍, വിജയ വഴിയില്‍ തിരിച്ചെത്തുകയാണ് പഞ്ചാബിന്റെ ലക്ഷ്യം
കൊല്‍ക്കത്ത ആദ്യം ബാറ്റ് ചെയ്യും, ഗെയ്‌ലിനെ വീണ്ടും തഴഞ്ഞ് പഞ്ചാബ് 

അബുദാബി: കിങ്‌സ് ഇലവന്‍ പഞ്ചാബിന് എതിരെ ടോസ് നേടിയ കൊല്‍ക്കത്ത നൈറ്റ്‌റൈഡേഴ്‌സ് ബാറ്റിങ് തെരഞ്ഞെടുത്തു. തുടരെ രണ്ടാമത്തെ ജയം തേടി കൊല്‍ക്കത്ത വരുമ്പോള്‍, വിജയ വഴിയില്‍ തിരിച്ചെത്തുകയാണ് പഞ്ചാബിന്റെ ലക്ഷ്യം. 

പഞ്ചാബിന്റെ പ്ലേയിങ് ഇലവനിലേക്ക് ക്രിസ് ഗെയ്ല്‍ എത്തുമെന്ന് സൂചന ഉണ്ടായെങ്കിലും കൊല്‍ക്കത്തക്കെതിരേയും ഗെയ്ല്‍ കളിക്കുന്നില്ല. പരിക്കേറ്റ പേസര്‍ ഷെല്‍ഡന്‍ കോട്രലിന് പകരം ക്രിസ് ജോര്‍ദാന്‍ പഞ്ചാബ് നിരയിലേക്ക് എത്തി. ശിവം മവിക്ക് പകരം പ്രസിദ്ധ് കൃഷ്ണയെ ഇറക്കിയാണ് കൊല്‍ക്കത്ത എത്തുന്നത്. 

ദുബായിലെ വിക്കറ്റ് ഡ്രൈ ആയതിനാലും, ആദ്യം ബാറ്റ് ചെയ്തപ്പോള്‍ ജയിച്ചതും ചൂണ്ടിക്കാണിച്ചാണ് ദിനേശ് കാര്‍ത്തിക് പഞ്ചാബിനെതിരെ ബാറ്റിങ് തെരഞ്ഞെടുത്തത്. അഞ്ച് കളിയില്‍ നിന്ന് മൂന്ന് ജയവും രണ്ട് തോല്‍വിയുമായി നാലാം സ്ഥാനത്താണ് കൊല്‍ക്കത്ത. 6 കളിയില്‍ നിന്ന് ഒരു ജയവും 5 തോല്‍വിയുമായി ഏറ്റവും അവസാന സ്ഥാനത്താണ് പഞ്ചാബ്. 

കൊല്‍ക്കത്ത ആദ്യം ബാറ്റ് ചെയ്യും, ഗെയ്‌ലിനെ വീണ്ടും തഴഞ്ഞ് പഞ്ചാബ് ഇഷാന്‍ പൊരെല്‍ അരങ്ങേറ്റം കുറിച്ചേക്കുമെന്ന് സൂചനയുണ്ടായിരുന്നു. എന്നാല്‍ മോശം ഫോമില്‍ തുടരുന്ന മാക്‌സ് വെല്ലിന് വീണ്ടും അവസരം നല്‍കിയാണ് പഞ്ചാബ് സീസണിലെ ഏഴാം മത്സരത്തിന് ഇറങ്ങുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com