ദുബായ്: പഞ്ചാബിന്റെ പ്ലേയിങ് ഇലവനിലേക്ക് അവസരം എത്തിയപ്പോഴേക്കും ഫുഡ് പോയിസന്‍ ക്രിസ് ഗെയ്‌ലിന് തിരിച്ചടിയായി. എന്നാല്‍ ആശുപത്രി കിടക്കയിലും ചില്ലിങ് യൂണിവേഴ്‌സന്‍ ബോസിന്റെ സ്‌റ്റൈലില്‍ തന്നെയാണ്..
ആശുപത്രി കിടക്കയില്‍ നിന്നുള്ള ഫോട്ടോയുമായാണ് ഗെയ്ല്‍ ഇന്‍സ്റ്റയില്‍ എത്തിയത്. കണ്ണില്‍ വെള്ളരിക്ക മുറിച്ച് വെച്ചും, ചുണ്ടില്‍ കാരറ്റ് പീസ് വെച്ചും, വൈന്‍ ഗ്ലാസും കയ്യില്‍ പിടിച്ചാണ് ഗെയ്‌ലിന്റെ ഫോട്ടോ. പൊരുതാതെ ഞാന്‍ അവസാനിപ്പിക്കില്ലെന്നും ഗെയ്ല്‍ ഫോട്ടോയ്‌ക്കൊപ്പം പറയുന്നു.
നിങ്ങളോട് എനിക്ക് പറയാനാവും, പൊരുതാതെ ഞാന്‍ പോവില്ല. ഞാന്‍ യൂണിവേഴ്‌സന്‍ ബോസ് ആണ്. അതൊരിക്കലും മാറാന്‍ പോവുന്നില്ല. എന്നില്‍ നിന്ന് നിങ്ങള്‍ക്ക് പഠിക്കാം. എന്നാല്‍ ഇത് മാത്രമല്ല. എന്റെ സ്റ്റൈലും എനിക്കുള്ളിലെ തീയും മറക്കരുത്. നിങ്ങളുടെ എല്ലാവരുടേയും കരുതലിന് നന്ദി, ഗെയ്ല്‍ ഫോട്ടോയ്‌ക്കൊപ്പം കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
