വീണ്ടും ഐപിഎല്‍ വാതുവയ്പ്; ബെറ്റിങ് റാക്കറ്റ് ഗോവയില്‍ പിടിയില്‍

വീണ്ടും ഐപിഎല്‍ വാതുവയ്പ്പ്; ബെറ്റിങ് റാക്കറ്റ് ഗോവയില്‍ പിടിയില്‍
പ്രതീകാത്മക ചിത്രം
പ്രതീകാത്മക ചിത്രം

പനാജി: ഐപിഎല്ലുമായി ബന്ധപ്പെട്ട വാതുവയ്പ്പിന് നാല് പേര്‍ അറസ്റ്റില്‍. ഛത്തിസ്ഗഢ് സ്വദേശികളായ നാല് പേര്‍ ഗോവയില്‍ വച്ചാണ് പൊലീസിന്റെ പിടിയിലായത്. പനാജിയില്‍ ഇവര്‍ താമസിക്കുന്ന അപാര്‍ട്‌മെന്റില്‍ വച്ചാണ് നാല് പേരെയും പൊലീസ് പൊക്കിയത്.

ഛത്തിസ്ഗഢ് സ്വദേശികളായ രഞ്‌ജോത് സിങ് ഛബ്ര, സുനില്‍ മോത്‌വാനി, കപില്‍ തൊലാനി, വിനയ് ഗംഗ്‌വാനി എന്നിവരാണ് അറസ്റ്റിലായത്. 50 ലക്ഷം രൂപയുടെ വാതുവയ്പ്പാണ് സംഘം നടത്താന്‍ ശ്രമിച്ചത്. ഇവരില്‍ നിന്ന് നിരവധി മൊബൈല്‍ ഫോണുകളും ലാപ്‌ടോപും പിടിച്ചെടുത്തിട്ടുണ്ട്.

ഗോവ കേന്ദ്രീകരിച്ച് ഐപിഎല്‍ വാതുവയ്പ്പ് വ്യാപകമായി നടക്കുന്നുണ്ടെന്ന് പൊലീസ് പറയുന്നു. ആറിലധികം സംഘങ്ങളെ പിടികൂടിയതായും പൊലീസ് വ്യക്തമാക്കി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com