മിലാന്: ഇറ്റാലിയന് സീരി എ ടീം എസി മിലാന്റെ വെറ്ററന് സ്ട്രൈക്കര് സ്ലാട്ടന് ഇബ്രാഹിമോവിചിന് കോവിഡ് സ്ഥിരീകരിച്ചു. രണ്ടാം ഘട്ടമായി നടത്തിയ പരിശോധനയിലാണ് താരത്തിന്റെ ഫലം പോസിറ്റീവായത്.
38കാരനായ താരത്തിന് കോവിഡ് സ്ഥിരീകരിച്ചതായി ക്ലബ് തന്നെയാണ് അറിയിച്ചത്. ഇബ്രാഹിമോവിച് നിരീക്ഷണത്തില് പ്രവേശിച്ചതായും ക്ലബ് വ്യക്തമാക്കി. ടീമിലെ മറ്റ് താരങ്ങളുടെ പരിശോധനാ ഫലം നെഗറ്റീവാണെന്നും ക്ലബ് അറിയിച്ചു.
കഴിഞ്ഞ ജനുവരിയിലാണ് ഇബ്രാഹിമോവിച് മിലാനിലേക്കെത്തുന്നത്. ഇത് രണ്ടാം ഘട്ടമാണ് ഇബ്രാഹിമോവിച് മിലാനായി കളിക്കാനെത്തുന്നത്. രണ്ടാം വരവില് ടീമിനായി 22 കളിയില് നിന്ന് 14 ഗോളുകളാണ് താരം നേടിയത്. കഴിഞ്ഞ ദിവസം ബൊളോനയ്ക്കെതിരായ പോരാട്ടത്തില് താരം ഇരട്ട ഗോള് നേടിയിരുന്നു. ഇബ്രാഹിമോവിചിന്റെ മികവില് മിലാന് പുതിയ സീസണിന് വിജയത്തോടെ തുടക്കമിടാന് സാധിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ