ധോനിയുടെ പകരക്കാരന്‍ നാരായണ്‍ ജഗദീശന്‍? സൂചന നല്‍കി ചെന്നൈ സൂപ്പര്‍ കിങ്‌സ് 

എംഎസ് ധോനിയുടെ പകരക്കാരനായി വിക്കറ്റിന് പിന്നില്‍ ചെന്നൈ പരിഗണിക്കുന്നത് നാരായണ്‍ ജഗദീഷനെയെന്ന് സൂചന
നാരായണ്‍ ജഗദീശന്‍, എംഎസ് ധോനി/ഫോട്ടോ: ട്വിറ്റര്‍
നാരായണ്‍ ജഗദീശന്‍, എംഎസ് ധോനി/ഫോട്ടോ: ട്വിറ്റര്‍

ചെന്നൈ: എംഎസ് ധോനിയുടെ പകരക്കാരനായി വിക്കറ്റിന് പിന്നില്‍ ചെന്നൈ പരിഗണിക്കുന്നത് നാരായണ്‍ ജഗദീഷനെയെന്ന് സൂചന. ബാറ്റിങ് പരിശീലകന്‍ മൈക്ക് ഹസിക്കൊപ്പം ഗ്ലൗസ് അണിഞ്ഞ് നില്‍ക്കുന്ന ജഗദീഷന്റെ ഫോട്ടോ ചെന്നൈ സൂപ്പര്‍ കിങ്‌സ് പങ്കുവെച്ചതോടെയാണ് അഭ്യൂഹം ശക്തമാവുന്നത്. 

ഫസ്റ്റ് ചോയിസ് വിക്കറ്റ് കീപ്പര്‍ നിലവില്‍ ധോനി ആയതിനാല്‍ വേണ്ട അവസരം ടീമില്‍ ഇപ്പോള്‍ ജഗദീഷന് ലഭിക്കുന്നില്ല. 2020ല്‍ ചെന്നൈക്ക് വേണ്ടി അരങ്ങേറിയ ജഗദീഷന്‍ 5 മത്സരങ്ങളാണ് ഇതുവരെ കളിച്ചത്. അതില്‍ നിന്ന് നേടിയത് 33 റണ്‍സ്. ഉയര്‍ന്ന സ്‌കോര്‍ 33.

ടി20 ക്രിക്കറ്റില്‍ 702 റണ്‍സ് ആണ് ജഗദീഷന്‍ ഇതുവരെ നേടിയത്. സ്‌ട്രൈക്ക്‌റേറ്റ് 125.35. ബാറ്റിങ് ശരാശരി 35.10. നാല് അര്‍ധ ശതകവും ഇവിടെ ജഗദീഷന്റെ പേരിലുണ്ട്. ഈ സീസണോടെ ധോനി ഐപിഎല്ലിനോട് വിടപറയും എന്നാണ് പൊതുവെ വിലയിരുത്തപ്പെടുന്നത്. 

എന്നാല്‍ ഇത് ധോനിയുടെ അവസാന സീസണ്‍ ആണെന്ന് വിശ്വസിക്കുന്നില്ലെന്ന് ചെന്നൈ സൂപ്പര്‍ കിങ്‌സ് സിഇഒ കാശി വിശ്വനാഥന്‍ പറഞ്ഞിരുന്നു. ധോനിയുടെ പകരക്കാരനെ ഇപ്പോള്‍ ഫ്രാഞ്ചൈസി തേടുന്നില്ലെന്നും അദ്ദേഹം വ്യക്തമാക്കി.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com