ചെയ്‌സ് ചെയ്യുന്ന ടീമുകള്‍ ചെപ്പോക്കില്‍ തോല്‍വിയിലേക്ക് വീഴുന്ന തുടര്‍ച്ച അവസാനിപ്പിക്കും എന്ന് തോന്നിച്ച തുടക്കമാണ് ബെയര്സ്റ്റോ ഹൈദരാബാദിന് നല്‍കിയത്. പക്ഷേ ഹിറ്റ് വിക്കറ്റായി ബെയര്സ്റ്റോ കൂടാരം കയറിയതോടെ കാര്യങ്ങള്‍ കീഴ്‌മേല്‍ മറിഞ്ഞു.
ചെപ്പോക്കിലെ പതിവ് പോലെ രണ്ടാമത് ബാറ്റ് ചെയ്ത ഹൈദരാബാദിന് തോല്‍വി. ഇവിടെ ബെയര്സ്റ്റോയുടെ ശ്രദ്ധക്കുറവിലേക്ക് ചൂണ്ടി കോവിഡ് ബോധവത്കരണത്തിന് ശ്രമിക്കുകയാണ്‌ കേരള പൊലീസ്.
ഫീല്‍ഡില്‍ ആണെങ്കിലും അല്ലെങ്കിലും ജാഗ്രത പാലിക്കുക. ചെറിയ ഒരു പിഴവ് പോലും ഒരു വലിയ ഇന്നിങ്‌സിനെ ബാധിക്കാം. മാസ്ക് ധരിക്കുക, കൈകള്‍ സാനിറ്റൈസ് ചെയ്യു, അകലം പാലിക്കുക എന്നാണ് ബെയര്സ്റ്റോ പുറത്താകുന്ന ഫോട്ടോ പങ്കുവെച്ച് കേരള പൊലീസ് സമൂഹമാധ്യമങ്ങളില്‍ കുറിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
