മുംബൈ: ധോനി പടിയിറങ്ങുന്നതോടെ കെയിൻ വില്യംസൺ ചെന്നൈ സൂപ്പർ കിങ്സിന്റെ നായക സ്ഥാനത്തേക്ക് എത്തണം എന്ന് ഇന്ത്യൻ മുൻ സ്പിന്നർ പ്രഗ്യാൻ ഓജ. രവീന്ദ്ര ജഡേജയെ വൈസ് ക്യാപ്റ്റനാക്കാം എന്നും ഓജ പറഞ്ഞു.
ഹൈദരാബാദിൽ വില്യംസണിനെ വേണ്ട വിധം ഉപയോഗപ്പെടുത്തുന്നില്ല. അടുത്ത വർഷം മെഗാ താര ലേലമുണ്ട്. എന്നാൽ അടുത്ത സീസണിലും ധോനി കളിക്കുകയാണ് ഇങ്ങനെ ഒരു ചോദ്യം തന്നെ ഉയരുന്നില്ല. എന്നാൽ ധോനി കളിക്കുന്നില്ലെങ്കിൽ നിങ്ങൾക്ക് വില്യംസണിനെ കൊണ്ടുവരാം എന്നും പ്രഗ്യാൻ ഓജ പറഞ്ഞു.
സുരേഷ് റെയ്നയാണ് ചെന്നൈ സൂപ്പർ കിങ്സിന്റെ ഉപയാനകൻ. എന്നാൽ 2021 സീസണിലേക്കായി റെയ്നയെ ചെന്നൈ നിലനിർത്തിയത് റെയ്നയുടെ ഭാഗമ്യമായി വിലയിരുത്തപ്പെടുന്നുണ്ട്. അടുത്ത മെഗാ താര ലേലത്തിന് മുൻപായി റെയ്നയെ ചെന്നൈ റിലീസ് ചെയ്യാനാണ് സാധ്യത. ധോനിയുടെ പകരക്കാരനായി ഏറെ നാൾ ആശ്രയിക്കാൻ കഴിയുന്ന താരത്തെയാവും ചെന്നൈ ഇനി ലക്ഷ്യം വെക്കുക.
പന്ത് ചുരണ്ടൽ വിവാദത്തിൽ ഡേവിഡ് വാർണർ ശിക്ഷിക്കപ്പെട്ടപ്പോഴാണ് വില്യംസൺ സൺറൈസേഴ്സ് ഹൈദരാബാദിന്റെ നായകനായത്. 2018 ഐപിഎൽ ഫൈനലിലേക്കും വില്യംസൺ ഹൈദരാബാദിനെ നയിച്ചു. പുതിയ രണ്ട് ഐപിഎൽ ടീമുകൾ കൂടി അടുത്ത വർഷം വരുന്നതോടെ ഈ ടീമുകളെ നായക സ്ഥാനത്തേക്ക് ലക്ഷ്യം വെക്കുന്ന കളിക്കാരുടെ കൂട്ടത്തിൽ വില്യംസണും ഉണ്ടാവുമെന്ന് ഉറപ്പാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ