ന്യൂഡല്‍ഹി: ടോക്യോ ഒളിംപിക്‌സിലെ ഗുസ്തി മത്സരത്തിന് ഇടയില്‍ ഇന്ത്യന്‍ താരം രവി ദഹിയയുടെ കയ്യില്‍ കസാകിസ്ഥാന്‍ താരം കടിച്ച സംഭവത്തില്‍ വിമര്‍ശനവുമായി വീരേന്ദര്‍ സെവാഗ്. രവി ദഹിയയുടെ പോരാട്ട വീര്യത്തെ തകര്‍ക്കാന്‍ കഴിയാത്തതിനാലാണ് കയ്യില്‍ കടിച്ചിരിക്കുന്നതെന്ന് സെവാഗ് ചൂണ്ടിക്കാണിക്കുന്നു.
എന്തൊരു അനീതിയാണ് ഇത്. നമ്മുടെ രവി ദഹിയയുടെ പോരാട്ട വീര്യത്തെ തകര്‍ക്കാന്‍ കഴിഞ്ഞില്ല, അതിനാല്‍ കയ്യില്‍ കടിച്ചു. ലജ്ജാവഹം എന്നാണ് ഫോട്ടോ പങ്കുവെച്ച് സെവാഗ് ട്വിറ്ററില്‍ കുറിച്ചത്.
സെമി ഫൈനലില്‍ ജയിച്ച രവി കുമാര്‍ ദഹിയ ഇന്ത്യക്കായി മെഡല്‍ ഉറപ്പിച്ചു കഴിഞ്ഞു. ഫൈനലില്‍ സ്വര്‍ണത്തിലേക്ക് താരത്തിന് എത്താനാവുമെന്ന പ്രതീക്ഷയിലാണ് രാജ്യം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
