ബാഴ്സയുടേതല്ലാത്ത ജേഴ്സിയില് മെസി കളിക്കുന്നത് കാണുന്നത് വേദനിപ്പിക്കുന്നതായി ബാഴ്സ മുന്താരം ഇനിയെസ്റ്റ. മെസിയായിരുന്നു എല്ലാം എന്നാണ് ബാഴ്സയുടെ മുന് മധ്യനിര താരം ചൂണ്ടിക്കാണിക്കുന്നത്.
ബാഴ്സലോണ എന്നാല് മെസിയാണ്. മെസിയെ പോലൊരു കളിക്കാരനെ ഞാന് കണ്ടിട്ടില്ല. ഇനി അതുപോലൊരു കളിക്കാരനെ കാണാനാവുമെന്നും എനിക്ക് തോന്നുന്നില്ല. ബാഴ്സ ഏറ്റവും മികച്ച ടീമുകളില് ഒന്നായി തുടരും.എന്താണ് ഉള്ളില് സംഭവിച്ചത് എന്ന് എനിക്കറിയില്ല. എങ്ങനെ കാര്യങ്ങള് ഇങ്ങനെ ആയെന്നും. എന്നാല് ഈ ട്രാന്സ്ഫറില് നിന്ന് ക്ലബിന് തിരിച്ചു കയറി വരേണ്ടതുണ്ട്, ഇനിയെസ്റ്റ പറഞ്ഞു.
9 തവണയാണ് ഇനിയെസ്റ്റ ബാഴ്സയ്ക്കൊപ്പം നിന്ന് ലാ ലീഗ കിരീടത്തില് മുത്തമിട്ടത്. ഈ ഒന്പതിലും മെസിയും ഭാഗമായിരുന്നു. യൂറോപ്യന് ഫുട്ബോളിന്റെ ചരിത്രത്തില് ഇനിയെസ്റ്റ-മെസി സഖ്യം തീര്ത്ത ജയങ്ങളുടെ കണക്ക് പറയാതെ അവസാനിക്കുന്നില്ല.
രണ്ട് വര്ഷത്തെ കരാറാണ് മെസി പിഎസ്ജിയുമായി ഒപ്പിട്ടിരിക്കുന്നത്. ജൂണ് 30ന് ബാഴ്സയുമായുള്ള മെസിയുടെ കരാര് അവസാനിച്ചിരുന്നു. 50 ശതമാനം പ്രതിഫലം വെട്ടിക്കുറച്ച് ക്ലബില് തുടരാന് മെസി സന്നദ്ധത അറിയിച്ചെങ്കിലും ലാ ലീഗയിലെ സാമ്പത്തിക സങ്കീര്ണതകളെ തുടര്ന്ന് മെസിക്ക് നൗകാമ്പ് വിടേണ്ടതായി വന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ