ഇന്‍സ്റ്റഗ്രാമില്‍ ഫോളോവേള്‌സിന്റെ എണ്ണത്തില്‍ ഉള്‍പ്പെടെ ആധിപത്യം പുലര്‍ത്തി നില്‍ക്കുന്നത് യുവന്റ്‌സിന്റെ സൂപ്പര്‍ താരം ക്രിസ്റ്റ്യാനോ റൊണാള്‍ഡോയാണ്. എന്നാല്‍ ഇന്‍സ്റ്റഗ്രാമില്‍ ഏറ്റവും കൂടുതല്‍ ലൈക്കുകള്‍ നേടിയ ഫോട്ടോകളില്‍ ആദ്യ മൂന്ന് സ്ഥാനവും പിടിച്ചാണ് ഇപ്പോള്‍ മെസിയുടെ മുന്നേറ്റം.
കോപ്പ അമേരിക്ക കിരീടവും ചേര്‍ത്ത് പിടിച്ച് മെസി പങ്കുവെച്ച ഫോട്ടോയാണ് ഇന്‍സ്റ്റഗ്രാമില്‍ ഏറ്റവും കൂടുതല്‍ ലൈക്കുകള്‍ എന്ന റെക്കോര്‍ഡ് സ്വന്തമാക്കിയത്.
ഇന്‍സ്റ്റഗ്രാമില്‍ ഏറ്റവും കൂടുതല്‍ ലൈക്ക് ലഭിച്ച രണ്ടാമത്തെ ഫോട്ടോ പിഎസ്ജി മൈതാനത്ത് 30ാം നമ്പര്‍ ജേഴ്‌സിയും പിടിച്ച് നില്‍ക്കുന്ന മെസിയുടേതാണ്.
ഏറ്റവും കൂടുതല്‍ ലൈക്കുകള്‍ ലഭിച്ച മൂന്നാമത്തെ ചിത്രം നൗകാമ്പില്‍ മെസി വിടപറയാന്‍ എത്തിയ പ്രസ്‌കോണ്‍ഫറന്‍സിലേതും. പിഎസ്ജി കുപ്പായത്തിലെ മെസിയുടെ ചിത്രം കോപ്പ അമേരിക്ക കിരീടത്തിനൊപ്പമുള്ള ഫോട്ടോയുടെ റെക്കോര്‍ഡ് ലൈക്ക് മറികടന്നേക്കും എന്നാണ് വിലയിരുത്തപ്പെടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
